قازاق بوكسشى كارەراسىندا العاش رەت جەڭىلدى
22:59, 22 - قىركۇيەك 2022
استانا. قازاقپارات - قازاقستاندىق بوكسشى ءابىلحايىر شەگاليەۆ ماسكەۋدە وتكەن International Boxing Series تۋرنيرىنىڭ باستى ايقاسىندا رەسەيلىك اندرەي سيروتكينگە ەسە جىبەردى، دەپ حابارلايدى Vesti.kz.
10 راۋندقا جوسپارلانعان جەكپە-جەك تولىق ءوتىپ، رەسەيلىك بوكسشى تورەشىلەر شەشىمىمەن باسىم ءتۇستى.
وسىلايشا، 37 جاستاعى سيروتكين كارەراسىندا 21-رەت جەڭىسكە جەتىپ وتىر، ونىڭ تاعى ەكى جەڭىلىسى بار. ال 28 جاستاعى شەگاليەۆ كارەارسىندا العاش رەت جەڭىلدى. ءابىلحايىر بۇعان دەيىن سەگىز رەت جەڭىسكە جەتىپ، ءبىر قارسىلاسىمەن تەڭ تۇسكەن.
بۇل قازاق بوكسشىنىڭ بيىلدىققا ەكىنشى ايقاسى ەكەنىن ايتا كەتەيىك. اقپاندا ول 27 جاستاعى تەگى ارميان رەسەي اتىنان جۇدىرىقتاساتىن مانۋك ديلانيانمەن تەڭ تارقاسقان ەدى.