سايلاۋ ناۋقانى قاتاڭ تۇردە زاڭعا سايكەس وتەتىنىنە كەپىلدىك بەرەمىن - توقايەۆ

استانا. قازاقپارات - قاسىم-جومارت توقايەۆ الداعى پرەزيدەنت سايلاۋىنىڭ ءادىل وتەتىنىنە كەپىلدىك بەردى، دەپ حابارلايدى قازاقپارات.

ايتا كەتەيىك، قازاقستاندا كەلەسى پرەزيدەنت سايلاۋى 20- قاراشادا وتەتىن بولدى.

وسىعان بايلانىستى بۇگىن مەملەكەت باسشىسى قازاقستان حالقىنا ۇندەۋ جاسادى.

وندا پرەزيدەنت بيىلعى جىل جان-جاقتى رەفورمالار مەن ناقتى وزگەرىستەر جىلىنا اينالعانىن ءسوز ەتكەن.

«مەملەكەت باسشىسى رەتىندە سايلاۋ ناۋقانى قاتاڭ تۇردە زاڭعا سايكەس وتەتىنىنە كەپىلدىك بەرەمىن. ونى وتاندىق جانە شەتەلدىك بايقاۋشىلاردىڭ قاتىسۋىمەن ءادىل ءارى اشىق وتكىزەتىن بولامىز. بارشا ازاماتتارىمىزدى جاۋاپكەرشىلىگىن سەزىنىپ، دەموكراتيا، زاڭ جانە ءتارتىپ قاعيداتتارىن بەرىك ۇستانۋعا شاقىرامىن. ەلىمىزدىڭ بىرلىگى مەن تۇتاستىعىن كورسەتە بىلەيىك. حالقىمىزدىڭ تاعدىرى، قازاقستاننىڭ بولاشاعى ءارقايسىمىزدىڭ قولىمىزدا. ءبىز ادىلەتتى قازاقستاندى بىرگە قۇرامىز!» دەلىنگەن ۇندەۋدە.