بۇگىنگى كۇنى كوميسسيانىڭ رەسمي وكىلى زەيىن الىپبەكتىڭ اقپاراتى بويىنشا، سوتتا جالپى 13,5 ميلليارد تەڭگەگە جۋىق مۇلىكتى مەملەكەتتىك مەنشىككە قايتارۋ تۋرالى پروكۋروردىڭ 10 تالابى قارالىپ جاتىر.
ونىڭ ىشىندە استانالىق «شاپاعات» بازارى، شىمكەنتتەگى قوقىستى قايتا وڭدەۋ كاسىپورنى - «تازا قالا» م ك ك جانە «ل ت د تۇرمىس» ج ش س، شىمكەنتتەگى «قازاق يننوۆاتسيالىق ۋنيۆەرسيتەتى» ج ش س- عا تيەسىلى، قۇنى 4,5 ميلليارد تەڭگە بولاتىن 150 گەكتار جەر ۋچاسكەسى؛ «سارىاعاش» ساناتوري- كۋرورتتىق كەشەنىندەگى 1,44 گەكتار جەر، اقمولا وبلىسىنداعى 17 مىڭ گەكتار جەر ۋچاسكەسى، الماتىداعى قۇنى 2,9 ميلليارد تەڭگە بولاتىن 3,84 گەكتار جەر ۋچاسكەسى، باعالاۋ قۇنى 1,5 ميلليارد تەڭگە بولاتىن «نايزا- ب ن» ج ش س («بارىس-4» بازارى) جارعىلىق كاپيتالىنىڭ e بار.
- بۇدان باسقا، اكتيۆتەردى كەيىننەن شىعارۋ، ەكونوميكالىق رەسۋرستاردى مونوپوليالىق شوعىرلاندىرۋ ماقساتىندا مەملەكەتتىك مۇلىكتى زاڭسىز يەلەنۋ، مىندەتتەمەلەردەن، ونىڭ ىشىندە سالىقتىق مىندەتتەمەلەردەن جالتارۋ فاكتىلەرىن انىقتاۋ تۇرعىسىنان ازاماتتىق ىستەر بويىنشا سوت اكتىلەرىنە تەكسەرۋ ءجۇرىپ جاتىر. قازىر 21 ميلليارد تەڭگەگە وليگوپوليا وكىلدەرىنىڭ پايداسىنا شىعارىلعان سوت شەشىمدەرىن قايتا قاراۋ تۋرالى باس پروكۋراتۋرانىڭ 11 نارازىلىعى جوعارعى سوتتىڭ قاراۋىندا جاتىر، - دەپ حابارلادى زەيىن الىپبەك.
ەسكە سالا كەتەيىك، ءۇش اي ىشىندە مەملەكەتكە كەلگەن 523 ميلليارد تەڭگە زالال وتەلىپ، زاڭسىز الىنعان اكتيۆتەر قايتارىلعانىن جازعان بولاتىنبىز.