قاي مينيسترلىكتە جەمقور كوپ؟

بۇل بىلتىرعا قاراعاندا، 20,7 پايىزعا ارتىق. بۇل تۋرالى Ranking.kz ساراپشىلارى ايتقان.

كوبىنە مۇنداي قىلمىستاردى قارجى مينيسترلىگى قىزمەتكەرلەرى جاساعان، ياعني 33 ادام قاتىسى بار بولىپ شىققان، ءبىر جىل بۇرىن 31 ادام بولعان. جىلدىق ءوسىم 6,5 پايىز بولعان.

بۇل قاتارعا ق ر قورعانىس مينيسترلىگى (22 ادام، جىلىنا 83,3 پايىز)، اۋىل شارۋاشىلىعى مينيسترلىگى (16 ادام، جىلىنا 23,1 پايىز) جانە يندۋستريا جانە ينفراقۇرىلىمدىق دامۋ مينيسترلىگى (16 ادام، بىلتىرعا قاراعاندا، 5,3 ەسە كوپ) كىرگەن.

مۇنداي قىلمىس جاساعاندار اراسىندا 102 قىزمەتكەر اۋىر قىلمىس، 4 ادام ورتاشا قىلمىس، 4 ادام اۋىر ەمەس قىلمىس، 1 ادام اسا اۋىر قىلمىس جاساعان.

قۇقىقبۇزۋشىلاردىڭ 69,4 پايىزى پارا الۋ دەرەگىمەن ۇستالعان، ياعني 77 ادام، جىلىنا 63,8 پايىز. 14 ادام سىبايلاس جەمقورلىققا قاتىستى الاياقتىق جاساعان، 7 ادام لاۋازىمدى وكىلەتتىكتەرىن اسىرا پايدالانعان، 6 ادام پارا بەرگەن، 5 ادام وزىنە سەنىپ تاپسىرىلعان بوتەن مۇلىكتى يەمدەنگەن نەمەسە ىسىراپ ەتكەن.

وڭىرلەر اراسىندا سىبايلاس جەمقورلىق دەرەگى بويىنشا قىلمىس جاساعان مينيسترلىك قىزمەتكەرلەرىنىڭ كوپشىلىگى الماتىدا بولعان، مۇندا 23 ادام، بىلتىرعا قاراعاندا، 3,3 ەسە كوپ. ودان كەيىن شىمكەنت (12 ادام، جىلدىق ءوسىم 4 ەسە) جانە الماتى وبلىسى (10 ادام، بىلتىرعا قاراعاندا، 9,1 پايىز از) تۇر.

قۇقىقبۇزۋشىلاردىڭ ەڭ از سانى قىزىلوردا جانە باتىس قازاقستان وبلىستارىندا بايقالعان، بۇل وڭىرلەردە 2 ادامنان. جاڭادان قۇرىلعان ءۇش وبلىستا، سونداي-اق، قاراعاندى جانە قوستاناي وبلىستارىندا مينيسترلىك قىزمەتكەرلەرى تاراپىنان سىبايلاس جەمقورلىققا قاتىستى قۇقىقبۇزۋشىلىق دەرەگى تىركەلمەگەن.