اباي وبلىسى اكىمدىگىنىڭ مالىمەتىنە سۇيەنسەك، سەمەيدە جاڭا قوعامدىق دەمالىس ورنى پايدا بولدى. اسپالى كوپىر استىندا اشىلعان دەمالىس ورنىندا سكەيت پارك، پاركۋر جانە ۆوركاۋت الاڭدارى بار.
كوپىراستى الاڭى بىرنەشە بولىككە بولىنگەن. ستريتبولعا ارنالعان سپورتتىق ايماق، فيتنەس ايماق جانە بالالار ويىن الاڭى. الاڭنىڭ جالپى اۋدانى - 3500 شارشى مەتر. ەرتىس جاعالاۋىنا جاقىن ماڭدا ءدامحانا پاۆيلوندارى جۇمىس ىستەيدى.
«بارلىق جۇمىستار دەمەۋشىلەردىڭ قاراجاتىنا جۇرگىزىلدى. كوپىراستى اۋماقتىڭ ارتىقشىلىعى - كەز كەلگەن اۋا- رايىندا قولايلى. جاڭبىردان نەمەسە كۇن ساۋلەسىنەن جاسىرىنىپ، قالاعان ۋاقىتتا سپورتپەن اينالىسىپ، دەمالۋعا بولادى»، - دەلىنگەن اقپاراتتا.
جالپى قالا بويىنشا بيىل 12 جاڭا قوعامدىق ورىن جاسالاتىن بولادى.
اۆتور
تالعاتجان مۇحامەتبەك ۇلى