پرەزيدەنت نيۋ-يوركتە الەم كومپانيالارىندا جۇمىس ىستەپ جاتقان قازاقستاندىقتارمەن كەزدەستى
بۇل تۋرالى اقوردا حابارلايدى.
بەيرەسمي جاعدايدا وتكەن كەزدەسۋدە قازاقستاندا IT سالاسىن دامىتۋ پەرسپەكتيۆالارى مەن قازىرگى الەمدىك ۇردىستەر تالقىلاندى.
قاسىم-جومارت توقايەۆ كەزدەسۋدە ادىلەتتى قازاقستان دارىندى جاستارعا جاڭا مۇمكىندىكتەر اشاتىنىن ايتتى.
سونىمەن قاتار كەزدەسۋدە Taskrabbit.com كومپانياسىنىڭ ستراتەگيا جانە دامۋ جونىندەگى جەتەكشىسى اسەت ابدۋالييەۆ، DCVC كومپانياسىنىڭ ۆەنچۋرلىق ينۆەستورى ءارى ديرەكتورى اننا فوكينا، Google كومپانياسىنىڭ ينجەنەر- پروگرامميسى اراي سابىرجان جانە Booking.com كومپانياسىنىڭ مەنەدجەر- پروگرامميسى الىبەك داتبايەۆ ءسوز سويلەدى.
ولار پرەزيدەنتكە شەتەلدىك كومپانيالارداعى جۇمىستارىنان العان اسەرىن ايتىپ، وتاندىق IT سالاسىن ودان ءارى دامىتۋ جانە ونىڭ باسەكەگە قابىلەتتىلىگىن ارتتىرۋ جونىندە ءبىرقاتار ۇسىنىس ءبىلدىردى.
كەزدەسۋ سوڭىندا قاسىم-جومارت توقايەۆ Digital Nomads وكىلدەرىنە تابىس تىلەپ، ولار ەلىمىزدىڭ دامۋى مەن وركەندەۋىنە ەلەۋلى ۇلەس قوساتىنىنا سەنىم ءبىلدىردى.