قازاقستاندا جاڭادان ءۇش پارتيا قۇرىلىپ جاتىر

بۇل تۋرالى ق ر ادىلەت ءمينيسترى قانات مۋسين ءمالىم ەتتى، دەپ حابارلايدى قازاقپارات ءتىلشىسى.

«بۇگىندە 3 پارتيا تىركەۋ ءراسىمىنىڭ ءبىرىنشى كەزەڭىنەن ءوتتى. قازىر بولاشاق پارتيالار سەزدى وتكىزۋ جانە پارتيا اكتيۆىن قالىپتاستىرۋ ساتىسىندا. قولدانىستاعى زاڭعا سايكەس، پارتيانى تىركەۋ ءۇشىن ونىڭ قۇرامىندا كەمىندە 20 مىڭ پارتيا مۇشەسى بولۋى كەرەك. سونىمەن قاتار ەلىمىزدىڭ ءار وڭىرىندە كەمىندە 600 پارتيا مۇشەسى بولۋى ءتيىس»، - دەدى قانات مۋسين ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ءمينيستردىڭ ايتۋىنشا، بۇگىندە «حالىق دەربەستىگى» پارتياسى سەز وتكىزىپ، ءوز مۇشەلەرىنىڭ ءتىزىمىن ۇسىندى.

ودان بولەك «نامىس» جانە «بايتاق» پارتياسى سەز وتكىزۋ ساتىسىندا تۇر.

«تىركەلۋگە نيەتتى باسقا دا پارتيالار بار. ءبىراق ولار تىركەلۋ راسىمىنەن وتكەن جوق. سەبەبى ولاردىڭ قۇجاتتارى زاڭ تالاپتارىنا سايكەس كەلمەيدى. جالپى 2019 -جىلدان باستاپ 18 ساياسي پارتيا رەتىندە تىركەۋدى سۇراعان حابار كەلىپ ءتۇستى. تەك 2019 -جىلدىڭ وزىندە 5 پارتيا ءوتىنىش بەردى. ءبىراق بۇگىندە ولاردىڭ ءوتىنىشى كۇشىن جوعالتتى. ەندى 13 پارتيا بار، ونىڭ 3 ءى تۋرالى جوعارىدا ايتىپ ءوتتىم. قالعان پارتيالار بويىنشا ۇيىمداستىرۋ پروتسەسى ءجۇرىپ جاتىر»، - دەيدى ول.