ليتۆا سەيمىنىڭ 13- قىركۇيەكتەگى شەشىمى كۇشىنە ەندى. ۋكرايناداعى وقيعالارعا بايلانىستى توتەنشە جاعداي 15- جەلتوقسانعا دەيىن ۇزارتىلدى، ەندى رەسەي ازاماتتارىنىڭ قولدارىندا جارامدى ۆيزاسى بولسا دا، ەلگە كىرۋگە تىيىم سالىنادى.
بۇل نورمانى پولشا مەن بالتىق جاعالاۋىنداعى باسقا ەلدەر دە قولدادى. سونىمەن بىرگە، ۆيلنيۋس اتالعان تىيىمداردان تىس ەلگە كىرۋگە رۇقسات ەتىلەتىن رەسەي ازاماتتارىنىڭ ساناتتارىن اتادى. ول رەسەيلىك ديپلوماتتارعا، وپپوزيتسيا وكىلدەرىنە، ە و - نىڭ باسقا ەلدەرىنە تاسىمالداۋدى جۇزەگە اسىراتىن كومپانيالاردىڭ قىزمەتكەرلەرىنە، سونداي-اق قوعامداستىققا مۇشە ەلدەردە تۇرۋعا رۇقساتى بار نەمەسە مۇشە ەلدەر ازاماتتارىنىڭ وتباسى مۇشەلەرىنە قاتىستى.
ليتۆا ىشكى ىستەر مينيسترلىگى جانىنداعى مەملەكەتتىك شەكارانى قورعاۋ قىزمەتىنىڭ مالىمەتى بويىنشا، تامىز ايىندا رەسەي فەدەراتسياسىنىڭ 83 مىڭ ازاماتى بالتىق رەسپۋبليكاسىنىڭ شەكاراسىن كەسىپ ءوتتى، ونىڭ ىشىندە كالينينگراد وبلىسىنا ترانزيتپەن وتكەندەر دە بار. بيىلعى جىلدىڭ باسىنان بەرى ليتۆاعا 395 مىڭ رەسەيلىك كەلگەن، ونىڭ 180 مىڭنان استامى ترانزيتپەن وتكەن. شەنگەن كودەكسىنىڭ تالاپتارىن ساقتاماعاندىقتان 861 ادام ليتۆاعا جىبەرىلمەدى.