گولوۆكين «كانەلومەن» ءۇشىنشى ايقاس ءۇشىن قانشا گونورار الادى

استانا. قازاقپارات - قازاقستاندىق بوكسشى گەننادي گولوۆكين مەكسيكا وكىلى ساۋل «كانەلو» الۆارەسپەن وتكىزگەن ءۇشىنشى جەكپە- جەگى ءۇشىن قانشا گونورار الاتىنى بەلگىلى بولدى.

قازاقپارات بۇل تۋرالى Sports.kz پورتالىنا سىلتەمە جاساپ حابارلايدى.

استانا ۋاقىتىمەن بۇگىن تاڭەرتەڭ گولوۆكين لاس- ۆەگاس قالاسىندا (ا ق ش) تورەشىلەردىڭ ءبىراۋىزدى شەشىمىمەن الۆارەستەن جەڭىلىس تاپتى. بوكسشىلار «كانەلوعا» تيەسىلى WBO، WBA، WBC جانە IBF نۇسقالارى بويىنشا الەم چەمپيونى تيتۋلدارى ءۇشىن تالاسقان بولاتىن.

Sportskeeda ۆەب- سايتى Boxing Scene-قا سىلتەمە جاساپ حابارلاعانداي، مەكسيكا بوكسشىسىنا ءۇشىنشى ايقاس ءۇشىن كەپىلدى تۇردە 45 ميلليون دوللار ۋادە ەتىلگەن. ال گەننادي گولوۆكيننىڭ كەپىلدى گونورارى 20 ميلليون دوللاردى قۇرايدى. بۇدان بولەك، ەكى بوكسشى دا «pay-per-view» اقىلى كورسەتىلىمنەن تۇسكەن تابىستىڭ ءبىر بولىگىن الادى.

ايتا كەتەيىك، بۇگىن ساۋل الۆارەستەن ەكىنشى رەت جەڭىلگەن گولوۆكين كاسىپقوي بوكستان ءالى كەتپەيتىنىن مالىمدەدى.

جەكپە- جەكتەن كەيىن پرەزيدەنت قاسىم- جومارت توقايەۆ قازاقستاندىق بوكسشىعا قوڭىراۋ شالىپ، قولداۋ ءبىلدىردى.

ءوز كەزەگىندە گەنادي گولوۆكين دە بارشا قازاقستان جۇرتىنا العىس ايتتى.

اۆتور

ميرا تولەندى قىزى