قازاقستاندىق بوكسشى «گولوۆكين - كانەلو» بوكس كەشىندەگى جەكپە-جەگىن جەڭىسپەن اياقتادى
كاسىپقوي بوكستا بۇعان دەيىنگى 26 كەزدەسۋىنىڭ 15-ىندە جەڭىلگەن امەريكالىق گابريەل روسادو ءالي احمەدوۆكە قارسى ايتارلىقتاي ءساتتى ونەر كورسەتتى دەۋگە بولادى. 10 راۋندقا سوزىلعان ايقاستا قازاقستاندىق بوكسشى بارلىق راۋندتىڭ قورىتىندىسى بويىنشا جەڭىسكە جەتتى.
ايتا كەتەيىك، «GGG- كانەلو» تريلوگياسىنىڭ اندەركاردىنا ءبىرىنشى بولىپ امەريكالىق ەنتوني ەررەرا (2-0-1) مەن دەلۆين ماككينلي (4-3-1) شىققان بولاتىن. اسا جەڭىل سالماقتاعى كەزدەسۋ ماككينلي كوزىنەن العان جاراقاتىنا بايلانىستى، مەرزىمىنەن بۇرىن اياقتالدى.
تاعى ءبىر امەريكالىق بوكسشى اارون اپونتە (6-0، 2 ك و) مەكسيكالىق فەرناندو مولينانىڭ (8-0، 3 ك و) ءبىرىنشى ورتا سالماقتاعى جەكپە-جەگى تەڭ اياقتالدى.
ال جەڭىل سالماقتاعى امەريكالىق مارك كاسترو (7-0، 5 ك و) تاعى ءبىر مەكسيكالىق كيەۆين مەندوسانى (6-1-2، 3 ك و) بەسىنشى راۋندتا جەڭىپ كەتتى.
تاعى ءبىر امەريكالىق بوكسشى ديەگو پاچەكو (15-0، 12 ك و) پۋەرتوريكالىق ەنريكە كولياسونى (16-2-1، 11 ك و) 10 راۋندتىق جەكپە-جەكتىڭ 5-راۋندىندا نوكداۋنعا جىبەرىپ، ارتىنشا تورەشى ايقاستى توقتاتتى. وسىلايشا ديەگو پاچەكو سۋپەر ورتا سالماقتاعى WBC تيتۋلىن جەڭىپ الدى.
ورتا سالماقتا وتكەن تاعى ءبىر جەكپە-جەك وستين ۋيليامس (11:0:0) قارسىلاسى كيەرون كونۋەيدەن (18:2:1) باسىم ءتۇستى.
ەسكە سالساق، «GGG- كانەلو» تريلوگياسىن «Qazaqstan» جانە «Qazsport» تەلەارنالارى تىكەلەي ەفيردە كورسەتىپ جاتىر.
گولوۆكين- الۆارەس بوكس كەشىندە تاعى ءبىر قازاقستاندىق ونەر كورسەتەدى. 27 جاستاعى ءالي احمەدوۆ امەريكالىق گابريەل روسادونى (26-15-1، 15ك و) جەڭدى.
گولوۆكين boxingnews24.com سايتىنداعى سۇحباتىندا جانكۇيەرلەر قالاسا، ساۋل الۆارەسپەن ءتورتىنشى جەكپە- جەككە شىعۋعا ءازىر ەكەنىن مالىمدەگەن.