ول جاقىندا ءوز ۇيىنەن رەترو-مۇراجاي اشتى، دەپ حابارلايدى قازاقپارات.
وڭىرلىك كوممۋنيكاتسيالار قىزمەتىنىڭ مالىمەتىنشە، شاعىن مۇراجاي ءبىر بولمەدە ورنالاسقان جانە وندا ءار ۋاقىتتاعى جادىگەرلەر جيناقتالعان.
عالىمجان مۇقاشەۆ ۇزاق جىلدار ەسەپشى بولىپ ەڭبەك ەتكەن، قازىر زەينەت دەمالىسىندا. سيرەك كەزدەسەتىن ەسكى زاتتاردى جيناۋ - ونىڭ حوببيى. شاعىن مۇراجاي اشۋدى كوپتەن بەرى ويلاپ جۇرگەن. العاشقى ەكسپوناتى اناسىنىڭ شپيندەلى بولسا، قازىردىڭ وزىندە 100-دەن استام جادىگەر بار.
شاعىن مۇراجايعا كەلۋشىلەردى، اسىرەسە وتكەن عاسىردىڭ 50-70 -جىلدارىنداعى زاتتار قىزىقتىرادى. ءبىراق ودان دا كونە دۇنيەلەر جەتەرلىك، مىسالى، جانۋارلاردىڭ سۇيەكتەرىنەن جاسالعان كونە شپيندەل.
«مۇندا ۇلتتىق ۆاليۋتانىڭ العاشقى ۇلگىلەرى - تەڭگە، وتكەن عاسىردىڭ ورتاسىندا شىعارىلعان تەلەديدارلار مەن راديولار، ەسكى ساعاتتار، فوتواپپاراتتار، مۋزىكالىق اسپاپتار جانە ت. ب. كورۋگە بولادى. بارلىعى بۇرىنعى قالپىندا ساقتالعان. مۇراجاي يەسىنىڭ ءوزى ودان پايدا تابۋدى كوزدەمەيدى»، - دەپ جازدى ۆەدومستۆودان.
«مەنەن كەيىن ۇرپاققا وسىنىڭ ءبارى مەنىڭ مۇرام رەتىندە قالعانىن قالايمىن. سول كەزدەگى وقيعالار ارقىلى الىس- جاقىن وتكەندى تانىپ-ءبىلۋ ادامعا ءارى قىزىق، ءارى پايدالى دەپ ويلايمىن»، - دەيدى عالىمجان مۇقاشەۆتىڭ ءوزى.
ەندى ول كەلۋشىلەردى قۋانتۋ ءۇشىن مۇراجايدى كەڭەيتىپ، جادىگەرلەر سانىن كوبەيتۋدى ويلاپ وتىر.
اۆتور اسحات رايقۇل