«بايقاۋدىڭ الدىڭعى كەزەڭدەرىنە نۇر- سۇلتان جانە الماتى قالالارىنىڭ، پاۆلودار، قىزىلوردا، باتىس قازاقستان، تۇركىستان، الماتى، جامبىل جانە اقتوبە وبلىستارىنىڭ مۇعالىمدەرى قاتىستى. بۇگىنگى كۇنى ولاردىڭ ءبىر بولىگى كادر تاپشىلىعى بار نەمەسە ءبىلىم ساپاسى سالىستىرمالى تۇردە تومەن ايماقتارداعى مەكتەپتەردە جۇمىس ىستەيدى. مەكتەپتەردە بىلىكتى مۇعالىمدەردىڭ كوبەيۋى ساپانى ارتتىرۋعا وڭ اسەر ەتەدى. باسقا وڭىرگە بىرگە كوشىپ جاتقان ەرلى- زايىپتىلار مۇعالىمدەر دە بار»، - دەيدى وقۋ- اعارتۋ مينيسترلىگى ورتا ءبىلىم كوميتەتىنىڭ ءتوراعاسى گۇلميرا كارىموۆا.
العاشقى ەكى بايقاۋدىڭ قورىتىندىسى بويىنشا 1,5 مىڭنان استام پەداگوگتەن ءوتىنىش تۇسكەن.
ايتا كەتسەك، مەملەكەت باسشىسىنىڭ تاپسىرماسى بويىنشا وقۋ- اعارتۋ مينيسترلىگى كادر تاپشىلىعى بار نەمەسە ءبىلىم ساپاسى سالىستىرمالى تۇردە تومەن ايماقتارعا ۇزدىك مۇعالىمدەردى تارتۋ ءۇشىن ارنايى باعدارلاما ازىرلەگەن بولاتىن. ماسەلە تۇركىستان، اتىراۋ، ماڭعىستاۋ جانە الماتى وبلىستارىندا وزەكتى. بۇل ايماقتارعا ماتەماتيكا، فيزيكا، حيميا، ورىس ءتىلى مەن ادەبيەتى، شەت ءتىلى مۇعالىمدەرى قاجەت.
ارنايى باعدارلاما بويىنشا مۇعالىمدەردى قولداۋ شارالارىنىڭ پاكەتى بار، اتاپ ايتقاندا لاۋازىمدىق جالاقىنىڭ %0 ى مولشەرىندە ەڭبەكاقىنى قامتاماسىز ەتۋ، بۇل سونداي- اق جالعا العان پاتەر جانە كوممۋنالدىق قىزمەتتەر تولەمىن وتەۋدى قامتيدى.
كونكۋرستان وتكەن مۇعالىمدەرمەن ەڭبەك شارتى 5 جىلعا جاسالادى. اتالعان 4 وبلىستىڭ بىرىنە قونىس اۋدارعان مۇعالىمدەردىڭ بالالارىنا بالاباقشا مەن ورتا مەكتەپتەردەن ورىن بەرىلەدى.
كونكۋرسقا تۇرعىلىقتى جەرىنە قاراماستان، ءتيىستى بەيىنى بويىنشا جوعارى پەداگوگيكالىق، جوعارى كاسىپتىك جانە (نەمەسە) جوعارى وقۋ ورنىنان كەيىنگى ءبىلىمى بار پەداگوگتەر قاتىسا الادى. دەمەك، جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىندا پەداگوگيكالىق قايتا دايارلاۋدان وتكەندەر، سونداي- اق «پەداگوگ- ساراپشى»، «پەداگوگ- زەرتتەۋشى»، «پەداگوگ- شەبەر» بىلىكتىلىك ساناتتارى بار ماماندار قاتىسا الادى. سونداي- اق، ۇلگەرىمنىڭ ورتاشا بالى (GPA) 3,5-تەن تومەن ەمەس - گۋمانيتارلىق باعىت بويىنشا، ۇلگەرىمنىڭ ورتاشا بالى (GPA) 3,2-دەن تومەن ەمەس - جاراتىلىستانۋ- ماتەماتيكالىق باعىت بويىنشا جوعارى وقۋ ورىندارىنىڭ پەداگوگيكالىق ماماندىقتارىنىڭ تۇلەكتەرى، سونداي- اق پەداگوگيكالىق ماماندىقتار بويىنشا ۇلگەرىمنىڭ ورتاشا بالى (GPA) 3,4-تەن تومەن ەمەس ماگيستراتۋرا تۇلەكتەرى قاتىسا الادى.
كونكۋرسقا قۇجات قابىلداۋدىڭ ءبىرىنشى كەزەڭى 16-ماۋسىمدا باستالدى. ەكىنشى بايقاۋ 11-21-شىلدە ارالىعىندا ءوتتى. ال، ءۇشىنشى كەزەڭ 20-قىركۇيەكتە باستالىپ، 4-قازانعا دەيىن جالعاسادى.