گولوۆكين- الۆارەس بوكس كەشىندە تاعى ءبىر قازاقستاندىق ونەر كورسەتەدى

نۇر-سۇلتان. قازاقپارات - گولوۆكين-الۆارەس جەكپە-جەگىنىڭ اندەركارتىندا قازاقستاندىق بوكسشى ءالي احمەدوۆ (18-1، 14 ك و) ونەر كورسەتەدى، دەپ حابارلايدى قازاقپارات.

ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىندا ءمالىم ەتىلگەندەي، 27 جاستاعى ءالي احمەدوۆتىڭ قارسىلاسى - امەريكا وكىلى گابريەل روسادو (26-15-1، 15 ك و).

بوكسشىلار IBF-تىڭ «سۋپەرامەريكالىق» بەلدىگى جانە WBC Silver-دىڭ سۋپەر ورتا سالماقتاعى تيتۋلى ءۇشىن باق تالاستىرادى.

جەكپە-جەك الدىندا احمەدوۆ پەن روسادو ءداستۇرلى كوز ارباسۋ ءراسىمىن وتكىزدى.

ەسكە سالايىق، گولوۆكين- الۆارەس جەكپە-جەگى 18-قىركۇيەك كۇنى (استانا ۋاقىتىمەن) لاس- ۆەگاستىڭ (ا ق ش) T- Mobile Arena كەشەنىندە وتەدى.

قازاقستاندىقتار بوكس كەشىن «Qazaqstan» جانە «Qazsport» تەلەارنالارىنان تىكەلەي ەفيردەن كورە الادى. باستالۋى – 18-قىركۇيەك، ساعات 05:00. باستى ايقاس شامامەن 08.00-دە باستالادى.