ۇجىمدىق قاۋىپسىزدىك شارت ۇيىمى كۇشتەرىنىڭ بىرلەسكەن وقۋ-جاتتىعۋى وتەدى
بريفينگ بارىسىندا ۇجىمدىق قاۋىپسىزدىك تۋرالى شارت ۇيىمى بىرىككەن شتابىنىڭ باستىعى گەنەرال- پولكوۆنيك اناتولي سيدوروۆ ۇ ق ش ۇ ۇجىمدىق قاۋىپسىزدىك جۇيەسى كۇشتەرى مەن قۇرالدارىنىڭ باسقارۋ ورگاندارى مەن قۇرالىمدارىنىڭ بىرلەسكەن وقۋ- جاتتىعۋلاردى وتكىزۋگە دايىندىعى تۋرالى حاباردار ەتتى.
بەينەكونفەرەنسيا رەجيمىندە وتكەن ءىس-شاراعا ۇيىمعا مۇشە ارمەنيا، بەلارۋس، قازاقستان، قىرعىزستان، رەسەي جانە تاجىكستان مەملەكەتتەرىنىڭ قورعانىس ۆەدومستۆولارى مەن اككرەديتتەلگەن بۇقارالىق اقپارات قۇرالدارىنىڭ وكىلدەرى قاتىستى.
بريفينگكە قاتىسۋشىلار بىرلەسكەن جەدەل جانە جاۋىنگەرلىك دايىندىق اياسىندا جوسپارلانعان ءىس- شارالار كەشەنى تۋرالى، وتكىزىلەتىن ءىس-شارالاردىڭ ماقساتتارى مەن مىندەتتەرى، تارتىلاتىن كۇشتەر مەن قۇرالدار تۋرالى، سونداي-اق 2022 -جىلى ۇ ق ش ۇ اسكەرلەرىنىڭ (ۇجىمدىق كۇشتەرىنىڭ) بىرلەسكەن وقۋ- جاتتىعۋلارىنىڭ ەرەكشەلىكتەرى تۋرالى اقپاراتتاندىرىلدى.