قوردىڭ بۇگىنگى جۇمىسى مەن الداعى ماقساتى تۋرالى باسقارما ءتوراعاسى الماسادام ساتقاليەۆ ايتىپ بەردى، دەپ حابارلايدى قازاقپارات ءتىلشىسى.
مەملەكەت باسشىسى بيىل قازاقستان حالقىنا جولداۋىندا «سامۇرىق قازىنا» قورىنىڭ ەكونوميكانىڭ باستى سالالارىنا باقىلاۋ جاساۋعا عانا جەتكىلىكتى ىقپالى بار ماجوريتارلى ينۆەستورعا اينالۋى كەرەكتىگى تۋرالى ايتقان ەدى.
«قوردىڭ باسقا اكتيۆتەرى مەن اكسيالارىن جەكەشەلەندىرۋ كەرەك. ونى جۇزەگە اسىرۋعا «حالىقتىق ءى ر و» ءتاسىلىن دە قولدانۋعا بولادى. «سامۇرىق-قازىنا» قورى جەكە ينۆەستورلار دەربەس جۇزەگە اسىرا المايتىن اسا ماڭىزدى جوبالارعا ينۆەستور رەتىندە قاتىسا الادى»، - دەگەن ەدى ق ر پرەزيدەنتى قاسىم-جومارت توقايەۆ.
وسى ورايدا قور باسشىسى «سامۇرىق-قازىنا» جوبالارىنىڭ ەكىنشى پاكەتىن جاريالاپ وتىر.
«ءبىز ەلىمىزدە باسىمدىققا يە 16 ينۆەستيتسيالىق جوبانى ۇسىنامىز. ونىڭ ىشىندە 13 ءى ياعني جوبالاردىڭ ءبىرىنشى پاكەتىن بيىل كوكتەمدە جاريالادىق. ونىڭ قاتارىنا الماتى ج ە و- نى گازداندىرۋ، باتىس قازاقستاندى سۋمەن جابدىقتاۋ، جاڭا گاز قۇبىرلارى جانە تەمىر جولدار سالۋ سياقتى باستامالار كىردى. 16 جوبانىڭ جاڭا تىزىمىندە مۇناي-گاز حيمياسى، ۇلتتىق ەلەكتر جەلىسىن جاڭعىرتۋ، بازالىق قۋات كوزىن سالۋ، جاڭارتىلاتىن ەنەرگيا كوزدەرىن دامىتۋ جوبالارى، G5 ينتەرنەتىن تارتۋ، جاڭا تەمىرجولدار سالۋ جانە تاعى باسقا شارۋالار بار»، - دەدى الماسادام ساتقاليەۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، قور جوبالارى قازاقستان حالقىنىڭ ءومىر ءسۇرۋ ساپاسىن جاقسارتۋعا باعىتتالعان.
«جوبالار ۇزاقمەرزىمدى سيپاتقا يە. اتاپ ايتقاندا جۇمىس ورىندارىن اشۋ، ەڭبەك جاعدايلارى مەن ەكولوگيالىق احۋالدى جاقسارتۋ. سونىمەن قاتار تىرشىلىك ءۇشىن ماڭىزدى الەۋمەتتىك ينفراقۇرىلىم جانە بيزنەستى دامىتۋ جوبالارى بار»، - دەيدى ول.
«سامۇرىق-قازىنا» جوبالارىنىڭ ىشىندە حالىق تىرشىلىگى ءۇشىن ماڭىزدى بولىپ ەسەپتەلەتىن «استراحان-ماڭعىشىلاق» ماگيسترالدى سۋ تارتقىشىن رەكونسترۋكتسيالاۋ، كەندىرلى كەنتىندە تەڭىز سۋىن تۇشىتۋ زاۋىتىن سالۋ، «ماقات-سولتۇستىك كاۆكاز» لۋپينگىن سالۋ، قاشاعان كەن ورنىندا گاز وڭدەۋ زاۋىتى مەن الماتىدا گاز ينفراقۇرىلىمىن سالۋ جوسپارى بار.
سونداي-اق، الماسادام ساتقاليەۆ قور اكسيالارىن جەكەشەلەندىرۋ جانە ۇلتتىق كومپانيالاردى IPO- عا شىعارۋ تاقىرىبىن ءسوز ەتتى.
«بيىل 1- تامىزدا قازاقستان رەسپۋبليكاسىنىڭ ەكونوميكاسىن جاڭعىرتۋ جونىندەگى مەملەكەتتىك كوميسسيا باسەكەلى ورتاعا بەرۋ ءۇشىن اكتيۆتەردىڭ جاڭارتىلعان تىزبەسىن كەلىسىپ، بەكىتتى. ول بويىنشا 2- تامىزدا ق ر ۇكىمەتىنىڭ قاۋلىسى قابىلداندى. جەكەشەلەندىرۋ بويىنشا قور اكتيۆتەرىنىڭ سانى 105 تەن 254 كە دەيىن ۇلعاياتىنىن ايتقىم كەلەدى. سول سياقتى كومپانيالاردى IPO- عا شىعارۋ جۇمىسى بەلسەندى ءجۇرىپ جاتىر. اتاپ ايتقاندا، بيىل «قازمۇنايگاز» بويىنشا KASE جانە AIX جەرگىلىكتى بيرجالارىندا IPO وتكىزۋ ءۇشىن دايىندىق جۇمىستارى بەلسەندى جۇرگىزىلۋدە. ال «AirAstana» كومپانياسى IPO عا وتۋگە دايىن»، - دەدى قوردىڭ باسقارما ءتوراعاسى.
«سامۇرىق-قازىنا» باسشىسى كەلتىرگەن مالىمەتكە سايكەس، 2025-جىلعا دەيىن قازمۇناي، AirAstana، QazaqGaz جانە قازاقستان تەمىر جولى كومپانياسىن IPO- عا شىعارۋ، ال KEGOC كومپانياسىن SPO- عا وتكىزۋ جوسپارلانىپ وتىر.
قور جۇمىسىنا قاتىستى تاعى ءبىر جاڭالىق اكسيالاردى جەكەشەلەندىرۋ جانە IPO/SPO- عا ءوتۋ بويىنشا رەسمي سايت ىسكە قوسىلدى. (https://ipo.sk.kz/ipo/)
«سامۇرىق-قازىنا» ۇلتتىق قورى اتىنان جاڭا سايتتىڭ اشىلۋى تۋرالى حابارلاۋعا رۇقسات ەتىڭىزدەر. ول جەردە ينۆەستورلارعا ارنالعان بارلىق اقپارات بار. ياعني قور اكسيالارىن جەكەشەلەندىرۋ مەن IPO/SPO- عا قاتىستى تولىق اقپارات الۋعا بولادى»، - دەپ جاڭا سايتتى تانىستىردى ا. ساتقاليەۆ.
وسى ورايدا IPO/SPO- عا وتەتىن كومپانيالاردىڭ «سامۇرىق قازىنا» قورىنا تيەسىلى اكسيا ۇلەسىنە توقتالساق.
قور «قازمۇنايگاز» ۇلتتىق كومپانياسىنىڭ ,4، «AirAstana» Q، KEGOC ، «سامۇرىق-ەنەرگو» 0، QazaqGaz 0 جانە قازاقستان تەمىر جولى كومپانياسىنىڭ 0 اكسياسىنا يە.
ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا قور ءتوراعاسى قازاقستان تەمىر جولى كومپانياسىنىڭ قايتا قۇرىلاتىنى تۋرالى ايتتى.
«قازاقستان تەمىر جولى» - ەلىمىزدىڭ نەگىزگى لوگيستيكالىق حابى. اتالعان كومپانيانى قايتا قۇرۋداعى ماقسات - ۇلتتىق ەكونوميكانىڭ ەكسپورتتىق الەۋەتىن جانە ىشكى قاجەتتىلىكتەرىن ىسكە اسىرۋ. ترانزيتتىك تاسىمالداردىڭ ءوسۋ قارقىنىن ساقتاپ، جاڭا باعىتتار سانىن ارتتىرۋ. سونداي-اق، ءبىزدىڭ الدىمىزدا كولىك قىزمەتتەرىنىڭ الەمدىك نارىعىندا باسەكەگە قابىلەتتىلىكتى ارتتىرۋ جانە تەمىر جول قىزمەتى سالاسىن سيفرلاندىرۋ مىندەتى تۇر. ودان بولەك، سەرۆيس ساپاسىن جاقسارتا ءتۇسىپ، كليەنتكە باعدارلاۋىمىز كەرەك»، - دەدى ول بريفينگتە.
«سامۇرىق-قازىنا» باسشىسىنىڭ مالىمدەۋىنشە، «قازاقستان تەمىر جولى» كومپانياسى ترانزيتتىك- لوگيستيكالىق كورپوراتسيا بولىپ قايتا قۇرىلماق. كومپانيانى قايتا جاڭعىرتۋ ارقىلى ونىڭ قارجىلىق تۇراقتىلىعىن ساقتاپ، فۋنكتسيونالى مەن قۇزىرەتىن كەڭەيتە تۇسپەك.
ودان بولەك، الماسادام ساتقاليەۆ ق ت ج- نىڭ قىزمەت كورسەتۋ گەوگرافياسىنىڭ كەڭەيە تۇسەتىنىن تىلگە تيەك ەتتى.