قازاقستان قىتايعا وتاندىق اگروونىم ەكسپورتىن ارتتىرادى

نۇر-سۇلتان. قازاقپارات - قازاقستان قىتايعا اۋىلشارۋاشىلىق ونىمدەرىنىڭ ەكسپورتىن ۇلعايتادى، دەپ حابارلايدى قازاقپارات ق ر اۋىل شارۋاشىلىعى مينيسترلىگىنە سىلتەمە جاساپ.

ءمالىم ەتىلگەندەي، قىتاي ۇكىمەتى شىعىس قازاقستان وبلىسىنىڭ ساپا ينسپەكسياسىنىڭ زەرتحاناسىنا قۇنى 11,15 ميلليون يۋان بولاتىن جابدىقتى تاپسىرادى. بۇل ق ر اۋىل شارۋاشىلىعى مينيسترلىگى مەن ق ح ر كوممەرتسيا مينيسترلىگى اراسىندا قول جەتكىزىلگەن ۋاعدالاستىقتىڭ ارقاسىندا مۇمكىن بولدى.

ءتيىستى كەلىسىمگە ق ح ر ءتوراعاسى شي جينپيڭنىڭ قازاقستانعا مەملەكەتتىك ساپارى اياسىندا ق ر اۋىل شارۋاشىلىعى ءمينيسترى ەربول قاراشوكەيەۆ پەن ق ح ر- دىڭ قازاقستانداعى توتەنشە جانە وكىلەتتى ەلشىسى جاڭ شياۋ قول قويعان.

«ق ح ر ستاندارتتارى بويىنشا اككرەديتتەلگەن زەرتحانا قۇرۋ قىتايعا وتاندىق اۋىل شارۋاشىلىعى ونىمدەرىنىڭ ەكسپورتىن ۇلعايتۋعا ىقپال ەتەدى. بۇدان باسقا، قازاقستان تەرەڭ قايتا وڭدەۋ تاۋارلارىن، جەمشوپ پەن قوسپالارىن، ەت جانە ەت ونىمدەرىن، ءسۇت جانە ءسۇت ونىمدەرىن جەتكىزۋدى ۇلعايتۋعا مۇددەلى»، - دەلىنگەن ا ق ش حابارلاماسىندا.

2022 -جىلدىڭ جەتى ايىندا ا و ك سالاسىنداعى قازاقستان- قىتاي تاۋار اينالىمى % 46,7 ارتىپ، 412,5 ميلليون دوللاردى قۇراعان.

وتاندىق اۋىل شارۋاشىلىعى ونىمدەرىنىڭ ەكسپورتى % 62,2 - 280,4 ميلليون دوللارعا دەيىن ارتتى. قىتايدان يمپورت % 22,2 ۇلعايىپ، 132,1 ميلليون دوللاردى قۇرادى.