باستاپقىدا قىزىق ءۇشىن باستاپ، كەيىن ادەتكە ەنىپ كەتكەن بۇل قىلىعىڭىز كەيبىر ادامداردىڭ جۇيكەسىنە تيەرى انىق. سونىمەن قاتار، ونىڭ دەنساۋلىققا زيان ەكەنى تۋرالى اڭگىمەنى دە ءجيى ەستيتىن بولارسىز. بۇل شەشىمدەرىڭىزدىڭ جالعان ەكەنىن زەرتتەۋ ناتيجەلەرى كورسەتىپ وتىر.
پسيحولوگ كلوديا حەمموندتىڭ ويىنشا، بۇل جاي عانا ساۋساققا جاسالعان جاتتىعۋ جۇمىستارى. ەڭ قىزىعى مۇنى جاساپ وتىرىپ ادامدار راحاتتانا الادى. ءوزىنىڭ شارشاعانىن ۇمىتىپ، جاڭا ەنەرگيا كوزىن اشقانداي بولادى.
ادەتكە اينالاتىنى سونشالىق، كەز كەلگەن ىسكە كىرىسپەس بۇرىن ءوز ەركىنەن تىس ساۋساقتارىن قىتىرلاتا باستايدى. كەيبىر ادامدار ءۇشىن بۇل - قوبالجۋدان ارىلتاتىن ءادىس. سونىمەن قاتار، زەرتتەۋ ناتيجەسىندە، مۇنى ايەل ادامدارعا قاراعاندا ەر ادامدار ءجيى جاسايدى ەكەن. جاتتىعۋ ناتيجەسىندە شىعاتىن شۋلى دىبىس - بۇل جينالىپ قالعان گاز كوپىرشىكتەرى. ءسىز ءبىر قىتىرلاتقان جەردى ءدال سول ۋاقىتتا قىتىرلاتۋ مۇمكىن ەمەس ەكەنىن اڭعارعان بولارسىز. ارادا از دەگەندە 15 مينۋت وتكەندە عانا قايتادان شۋدى ەستي الاسىز. سوندىقتان، سىزگە بۇل دەرت دەپ ۋايىمداۋدىڭ كەرەگى جوق. ساۋساعىڭىزدى قىتىرلاتىپ، ءبىر راحاتتانىپ الىڭىز.
Massaget.kz