ديماش قۇدايبەرگەن ريم پاپاسىنىڭ قولىنان مەدال تاقتى
08:26, 15 - قىركۇيەك 2022
نۇر- سۇلتان. قازاقپارات - ەلوردادا ءوتىپ جاتقان الەمدىك جانە ءداستۇرلى دىندەر كوشباسشىلارىنىڭ سەزىندە قازاقستاندىق تانىمال ءانشى ديماش قۇدايبەرگەن ريم پاپاسىنىڭ مەدالىمەن ماراپاتتالدى،
دەپ حابارلايدى قازاقپارات ءتىلشىسى مۋزىكانتتىڭ Instagram پاراقشاسىنا سىلتەمە جاساپ.
«ريم پاپاسىنا تابىستاعان مەدالى ءۇشىن كوپ العىس ايتامىز. عۇمىرىڭىز ۇزاق بولسىن»، - دەپ جازدى ديماش قۇدايبەرگەن.
ول اتا- اناسى قانات پەن سۆەتا ايتبايەۆتاردى دا وسى جيىن كەزىندە العان سىيلىقتارىمەن قۇتتىقتاعان.
ايتا كەتەيىك، 13- قىركۇيەك كۇنى «استانا وپەرا» تەاترىندا وتكەن سەزد دەلەگاتتارى مەن قاتىسۋشىلارىنا ارنالعان كونسەرتتە ديماش قۇدايبەرگەن ونەر كورسەتكەنىن جازعان بولاتىنبىز.
اۆتور
اسحات رايقۇل