«بۇگىن ەلىمىزگە قىتاي حالىق رەسپۋبليكاسىنىڭ ءتوراعاسى شي جينپيڭ مەملەكەتتىك ساپارمەن كەلدى. بۇل ونىڭ پاندەميادان كەيىنگى شەتەلگە جاساعان العاشقى ساپارى. پرەزيدەنت قىتاي باسشىسىن اۋەجايدا ءوزى كۇتىپ الىپ، قۇرمەت كورسەتتى.
كەيىن «اقوردادا» كەڭەيتىلگەن قۇرامدا ەكىجاقتى كەلىسسوز ءوتتى. كەزدەسۋ بارىسىندا كولىك- لوگيستيكا، ازىق- تۇلىك ونەركاسىبى، اۋىل شارۋاشىلىق سالالارىنىڭ ماسەلەلەرى مەن ترانسشەكارالىق وزەندەر جايى تالقىلاندى.
پرەزيدەنت قازاقستان مەن قىتاي اراسىندا جاڭا «التىن 30 جىلدىق» كەزەڭ باستالدى دەدى. بۇل مالىمدەمە ەكى ال اراسىنداعى قارىم- قاتىناس جوعارى دەڭگەيدە ەكەنىنە دالەل. سەبەبى حالىقارالىق ديپلوماتيادا ءاربىر ءسوزدىڭ قۇنى بار»، - دەپ جازدى ءباسپاسوز حاتشىسى ءوزىنىڭ پاراقشاسىندا.
سونداي- اق ول ەكى ەل اراسىنداعى بايلانىستى نىعايتۋعا ۇلەس قوسقانى ءۇشىن پرەزيدەنت ق ح ر ءتوراعاسى شي جينپيڭدى ەلىمىزدىڭ ەڭ جوعارى مەملەكەتتىك ناگراداسى - «التىن قىران» وردەنىمەن ماراپاتتاعانىن اتاپ ءوتتى.
ءوز كەزەگىندە قىتاي باسشىسى «قىتاي قازاقستانمەن قارىم- قاتىناستارعا ەرەكشە ءمان بەرەدى. ءبىز قانداي جاعداي بولسا دا، قازاقستاننىڭ تاۋەلسىزدىگىن، مەملەكەتتىلىگىن، تەرريتوريالىق تۇتاستىعىن ساقتاۋىنا قولداۋ بىلدىرەمىز. قازاقستان مەن قىتايدىڭ دوستىعى جاڭا دەڭگەيگە شىعاتىنىنا كامىل سەنەمىن» دەپ ەلىمىزگە قۇرمەتىن كورسەتتى.
«بۇگىنگىدەي كۇردەلى گەوساياسي جاعدايدا كورشى ەلدەرمەن ىنتىماقتا، دوستىق بايلانىستا بولۋ اسا ماڭىزدى ەكەنى داۋسىز»، - دەيدى رۋسلان جەلدىباي.
فوتو: akorda.kz
رەداكتور
ايدار وسپاناليەۆ