ءتيىستى بۇيرىققا اۋىل شارۋاشىلىعى ءمينيسترى ەربول قاراشوكەيەۆ قول قويدى.
وسىلايشا، قازاقستاننىڭ اۋىل شارۋاشىلىعى تاۋارىن وندىرۋشىلەرى ءبيداي مەن ۇندى شەتەلگە شەكتەۋسىز ساتا الادى.
ەسكە سالا كەتەيىك، بۇعان دەيىن قازاقستاننىڭ ازىق-تۇلىك قاۋىپسىزدىگىن قامتاماسىز ەتۋ ءۇشىن ءبيداي مەن ۇن ەكسپورتىنا كۆوتا ەنگىزۋ تۋرالى شەشىم قابىلدانعان ەدى. الايدا، الەمدىك نارىقتاعى جاعداي تۇراقتانىپ، قازاقستانداعى استىق ونىمىنە جاسالعان بولجامنىڭ وڭ كورسەتكىشىنەن كەيىن ەنگىزىلگەن كۆوتانى الىپ تاستاۋ تۋرالى شەشىم قابىلداندى.
بۇگىنگى كۇنى رەسپۋبليكانىڭ بارلىق وبلىسىندا ەگىن جيناۋ ءجۇرىپ جاتىر.
اكىمدىكتەردىڭ دەرەكتەرىنە سايكەس، قازىرگى ۋاقىتتا ەلىمىزدە 11,3 ميلليون گەكتار استىق جينالدى - بۇل جوسپاردىڭ i,8. 12 ت س/گ ا ورتاشا ونىمدىلىكتە 13,5 ميلليون توننا استىق باستىرىلدى (2021-جىلى بۇل ۋاقىتتا ورتاشا ونىمدىلىك 8,9 ت س/گ ا قۇراعان بولاتىن).