گولوۆكين مەن «كانەلو» ءۇشىنشى جەكپە-جەك الدىندا كوز ارباستى - ۆيدەو
09:23, 14 - قىركۇيەك 2022
نۇر-سۇلتان. قازاقپارات - قازاقستاندىق بوكسشى گەننادي گولوۆكين مەن مەكسيكالىق ساۋل الۆارەس لاس- ۆەگاستا (ا ق ش، نەۆادا شتاتى) بەتپە-بەت قايتا كەزدەستى، دەپ حابارلايدى قازاقپارات Sports.kz سايتىنا سىلتەمە جاساپ.
بوكسشىلار ءۇشىنشى ايقاسقا بىرنەشە كۇن قالعاندا MGM Grand ويىن-ساۋىق كەشەنىندە ۇيىمداستىرىلعان «قارسى الۋ سالتاناتىنا» قاتىستى.
گولوۆكين مەن الۆارەستىڭ ءۇشىنشى ايقاسى 18-قىركۇيەك كۇنى تاڭەرتەڭ T- Mobile Arena-دا وتەدى. ءدال سول جەردە 2017 جانە 2018 -جىلدارى قوس بوكسشىنىڭ ءبىرىنشى جانە ەكىنشى ايقاستارى وتكەن بولاتىن. ءبىرىنشى جەكپە-جەك تورەشىلەردىڭ ءارتۇرلى پىكىرىمەن تەڭ اياقتالسا، رەماتچتا جەڭىس كوپشىلىك داۋىسپەن مەكسيكالىق بوكسشىعا بەرىلدى.