ريم پاپاسى قازاقتىڭ «جەتى شەلپەك» ءداستۇرىن ەسكە الدى
پانتيفيك كەزدەسۋدە ايتقان تۇشىمدى ويلارىن دومبىرانىڭ سان ءتۇرلى قاسيەتىمەن ساباقتاستىرا وتىرىپ بايانداپ شىقتى.
«وسى ساپارعا دايىندالعان كەزىمدە بۇل جەردەگىلەر ورتا عاسىرلاردا دومبىرانىڭ بىرنەشە تۇرىمەن داستان ايتىپ، سول ارقىلى وتكەن مەن بۇگىندى بايلانىستىرعانىن ءبىلدىم. الۋاندىق ساباقتاستىعىنىڭ سيمۆولى تۇتاس ەلدىڭ جادىندا وسىلاي ىرعاق بولىپ ساقتالعان. دومبىرا بۇگىن دە ەكونوميكالىق جانە الەۋمەتتىك وزگەرىستەردىڭ جىلدام اۋىسىپ جاتقانىنا قاراماستان الدىڭعى لەكتەگى بۋىننىڭ ءومىرىن ۇمىتتىرماي كەلەدى»، دەدى مارتەبەلى فرانسيسك.
ونىڭ پايىمىنشا، قازاق جەرىندە ىنتىماقتىڭ گۇلدەنىپ تۇرۋىنا كونەدەن كەلە جاتقان ءداستۇر دە نەگىز بولىپ وتىر.
«ىنتىماقتىڭ گۇلدەنۋىنە ءسالت-ءداستۇردىڭ دە ۇلەس قوسىپ وتىرعانى انىق. سول ارقىلى وتكەننىڭ قۇندىلىقتارى قاستەرلى قازىناعا اينالىپ، مۇرا بولىپ قالىپ وتىر. مەنىڭ ەسىمە بۇل جاقتا كەڭ تارالعان «جەتى شەلپەك» اتتى تاڭعاجايىپ ءداستۇر كەلىپ وتىر - جۇمانىڭ تاڭىندا جەتى شەلپەك تاراتىپ، اتا-بابانى ەسكە الادى»، - دەدى ريم پاپاسى.