ق ر پرەزيدەنتى قاسىم-جومارت توقايەۆ كەزدەسۋ بارىسىندا وسىنداي وي ايتتى، دەپ حابارلايدى قازاقپارات ءتىلشىسى.
«بيىل قازاقستان مەن ۆاتيكان اراسىندا ديپلوماتيالىق قاتىناس ورناعانىنا 30 جىل تولدى. ءسىزدىڭ ساپارىڭىز وسى مەرەيلى مەجەگە تۇسپا-تۇس كەلىپ وتىر. ءبىز بۇل ساپارعا ايرىقشا ءمان بەرەمىز. سەبەبى بۇگىنگى كەزدەسۋ ءتۇرلى باعىتتاعى ىنتىماقتاستىعىمىزدى جاڭا بەلەسكە كوتەرەدى»، - دەدى مەملەكەت باسشىسى.
سونداي-اق، پرەزيدەنت ءدال قازىر الەمدەگى گەوساياسي جاعدايدىڭ ۋشىعىپ تۇرعانىنا توقتالدى.
«ءبىز الەمدىك وركەنيەتتىڭ قازىرگى احۋالى، جاھاندىق ساياساتتىڭ وزەكتى ماسەلەلەرى جانە جالپى ءدىننىڭ ءمان-ماڭىزى تۋرالى ءسىزدىڭ پاستورلىق ءسوزىڭىزدى تىڭداۋعا ىقىلاستىمىز.
قاسيەتتى ريم پاپاسى، وسى مۇمكىندىكتى پايدالانا وتىرىپ ءسىزدىڭ بۇكىل الەمدەگى قىزمەتىڭىزگە جوعارى باعا بەرگىم كەلەدى. ءسىز قازاقستانعا ادامزات تاريحىنداعى ايرىقشا كەزەڭدە كەلىپ وتىرسىز. حالىقتار وتباسى جار شەتىندە تۇر دەۋگە بولادى. ويتكەنى گەوساياسي شيەلەنىس ارتىپ، جاھاندىق ەكونوميكا زارداپ شەگىپ جاتىر جانە ەتنيكالىق، ءدىني توزىمدەر اراسىندا تولقىن-تولقىنمەن ۋشىعىپ تۇر. بۇل ءتىپتى جاڭا نورماعا انيلاىپ بارادى. سوندىقتان ءتۇرلى مادەنيەتتەر مەن دىندەردىڭ ساليقالى ادامدارى ادامزاتتى ورتاق دانىشپاندىقپەن جانە ەنەرگيامەن ارىپتەستىك پەن ءوزارا قولداۋ يدەياسىنا بىرىكتىرۋى كەرەك.