«جالپى، ينتەرنەت قىزمەتتەردىڭ ساپاسىنا قاتىستى سۇراقتار بار. الىستاعى ەلدى مەكەندەردى ايتپاعاندا، ءبىزدىڭ ءىرى قالالارىمىزدا ينتەرنەت بايلانىستىڭ ساپاسى بارلىق جەردە بىردەي جاقسى دەپ ايتا المايمىز. تۇرعىنداردان كەلىپ-ءتۇسىپ جاتقان شاعىم كوپ. ەگەر ينتەرنەت بايلانىس جاقسى بولماسا، سيفرلىق پلاتفورمالاردىڭ جانە اقپاراتتىق جۇيەلەردىڭ پايداسى جوق»، - دەدى ءا. سمايلوۆ.
وسى ورايدا ول سيفرلىق دامۋ مينيسترلىگىنە بۇل ماسەلەنى ەرەكشە باقىلاۋدا ۇستاۋىن تاپسىردى.
«سونداي-اق سيفرلاندىرۋ سالاسىنداعى بارلىق مۇددەلى مەملەكەتتىك ورگانداردىڭ جانە ۇيىمداردىڭ جۇمىسىن ۇيلەستىرۋدى كۇشەيتۋ قاجەت. وسىعان بايلانىستى مىنانى اتاپ وتكىم كەلەدى. بىرىنشىدەن، سيفرلىق دامۋ مينيسترلىگى ورتالىق مەملەكەتتىك ورگاندارمەن جانە اكىمدىكتەرمەن بىرلەسىپ، اقپاراتتىق جۇيەلەردىڭ ىستەن شىعۋىن ازايتاتىن جۇيەلى شارالار قابىلداۋدى قامتاماسىز ەتسىن. ەكىنشىدەن، ەڭبەك، ساۋدا جانە ينتەگراتسيا مينيسترلىكتەرى بيىلدىڭ سوڭىنا دەيىن «وتباسىنىڭ سيفرلىق كارتاسى» جانە «الەۋمەتتىك ءاميان» جوبالارىنىڭ ءتيىمدى جۇمىسىن قامتاماسىز ەتسىن. ەكولوگيا مينيسترلىگى اقپاراتتىق جۇيەلەردىڭ ۋاقتىلى ينتەگراتسيالانۋىن قامتاماسىز ەتسىن جانە 2023 -جىلدىڭ سوڭىنا دەيىن «Kaznedra» پلاتفورماسىن ىسكە قوسسىن»، - دەپ تاپسىردى پرەمەر- مينيستر.
«عىلىم مينيسترلىگى مۇددەلى ورگاندارمەن بىرلەسىپ، ەلدىڭ عىلىمي- تەحنيكالىق دامۋىنا جەكە ينۆەستيتسيالاردى كەڭىنەن تارتۋ ءۇشىن جاڭا عىلىمي- زەرتتەۋ ورتالىقتارى مەن زەرتحانالار قۇرۋدى باسىم ينۆەستيسيالىق جوبالار تىزبەسىنە ەنگىزۋ ماسەلەلەرىن پىسىقتاسىن. بۇل ماسەلەردى ءوزىم باقىلايتىن بولامىن»، - دەدى ءاليحان سمايىلوۆ.