كوبى وتاۋ قۇرىپ، بالالى بولدى. ولار قازىر تەك اكتەر ەمەس، سونىمەن قاتار، پروديۋسەر، مۋزىكانت، رەجيسسەر، ءتىپتى كەيبىرىنىڭ ءوز كومپانياسى بار.
Massaget.kz ءتىلشىسى كەيىنگى 20 جىلدا قازاق قىزدارى عاشىق بولعان كورەي اكتەرلەرىنىڭ تاعدىرىنا شولۋ جاسادى.
كيم ي نا
«ۆا-بانك» تەلەحيكاياسىنىڭ جۇلدىزى، تالاي قىزدىڭ جۇرەگىن جاۋلاعان لي بەن حون قازىر 52 جاستا، ال بيىل تەلەحيكايانىڭ جارىققا شىققانىنا 19 جىل. ەگەر بۇل سەريالدى تەلەارنادان كورسەڭىز، دەمەك جاسىڭىز 20 دان استى.
سەريال ءساتتى اياقتالعان سوڭ، اكتەر مەن اكتريسا سوڭ حە گە اراسىندا ۇشقىن پايدا بولىپ، ەكەۋى جۇرە باستاعان. ءبىراق ول ۇزاققا سوزىلمادى، جۇپ ءبىر جىلدان كەيىن قاتىناستى ۇزگەنىن حابارلادى. اكتەر 2013-جىلى لي مين چجون ەسىمدى اكتريساعا ۇيلەندى. 2015-جىلى جۇپتىڭ بالاسى دۇنيەگە كەلدى.
لي بەن حەن 1995-جىلدان باستاپ كينوعا تۇسە باستاعان، ول تۇسكەن تەلەحيكايا مەن فيلمدەر سانى - 33. كەيىنگى تۇسكەن سەريالى «كالمار ويىنى» مەن «ءبىزدىڭ بليۋز» سەريالدارى تانىمالدىققا يە بولدى.
حانزادا جۋموڭ
حانزادا جۋموڭ نەمەسە سوڭ يل گۋك قازىر ءبىراز جاسقا كەلىپ قالدى. اكتەر 2008-جىلى پۋسان سۋدياسى چوڭ سىڭ ەنمەن وتاۋ قۇردى. 2012-جىلى وتباسىدا ۇشەم دۇنيەگە كەلەدى. بالالاردىڭ ەسىمدەرى دە، وزدەرى دە ەرەكشە. تە حان، مين گۋك، مان سە ەسىمدەرى «كورەيا رەسپۋبليكاسى جاساسىن!» دەگەن ماعىنا بەرەدى.
2010-جىلعى ساۋىردە «جۋموڭ» سەريالى قازاقستاندا تانىمال بولا باستاعاندا، سوڭ يل گۋك مەملەكەت باسشىلارىمەن، سونىڭ ىشىندە قازاقستان پرەزيدەنتىمەن بىرگە اق ۇيگە قوناققا شاقىرىلعان. ال 2009-جىلى گاۆاي دا 21- ناۋرىزدى سوڭ يل گۋك كۇنى دەپ جاريالادى.
2014-جىلى اكتەر بالالارىمەن The return of Superman جوباسىنا ءتۇستى. ال بيىل ۇشەمى 3-سىنىپقا اياق باستى.
گۋ چەڭ پە
ناعىز «جىگىتتىڭ سابازىنا» اينالعان لي مين حو ءازىر بويداق. تەلەحيكايادان كەيىن گىم چان دي رولىندە ويناعان گۋ حە سون مەن گۋ چەڭ پە كەيىپكەرىن سومداعان لي مين حو اراسىندا ۇشقىن پايدا بولدى دەگەن سىبىس تارادى. ءبىراق ول راستالمادى، ءتىپتى ارتىستەر بۇعان پىكىر دە بىلدىرمەدى.
2015-جىلى لي مين حو ءانشى، اكتريسا سيۋزيمەن جۇرەتىنىن راستادى. ءبىراق جۇپ 2 جىلدان كەيىن اجىراپ كەتتى.
لي مين حونىڭ كەيىنگى تۇسكەن سەريالى «پاچينكو» تانىمالدىققا يە بولدى. قازىر اكتەر «جۇلدىزداردان سۇرا» سەريالىنا ءتۇسىپ جاتىر، ول Instagram-پاراقشاسىندا ءتۇسىرىلىم الاڭىندا بولعان قىزىق وقيعالارىمەن ءبولىستى.
يۋنچي حۋ
قازاق قىزدارىنىڭ جۇرەگىنە گۋ چەڭ پەمەن بىرگە يۋن چي حۋ دا تالاسىپ ەدى. كيم حەن جۋننىڭ اكتەر ءارى ءانشى ەكەنىن بىلەتىن بە ەدىڭىز؟ ول تانىمالدىققا يە بولعانعا دەيىن، SS501 توبىنىڭ ۆوكاليسى بولدى. كەيىنگى تۇسكەن سەريالى 2018-جىلى شىقتى. قازىر ول انشىلىككە كوپ كوڭىل ءبولىپ، ءتۇرلى كونسەرتتەر بەرىپ ءجۇر.
2014-جىلى ونى بۇرىنعى سۇيىكتىسى زورلادى دەپ ايىپتادى، سوت پروتسەسى ۇزاققا سوزىلىپ، ناتيجەسىندە ونىڭ كىناسىز ەكەنى دالەلدەندى. قازىر كيم حەن جۋن ۇيلەندى، ونىڭ ايەلى تانىمال ەمەس. ال جاقىندا اكتەر Ilgan Sports باسىلىمىنا بالالى بولاتىنىن ايتتى.
«ىستىق ۇيا»
«ىستىق ۇيا» تەلەحيكاياسىندا ەركە بالا لي ەڭ جەنىڭ رولىندە ويناعان رەين سەريال اياقتالعان سوڭ تانىمالدىققا يە بولدى. ول بىردەن «It's raining» البومىن جارىققا شىعارىپ، كورەيا، جاپونيا، سينگاپۋر، ءتىپتى ا ق ش- تا كونسەرت بەردى. 2015-جىلى R. A. I. N. كومپانياسىنىڭ نەگىزىن قالادى.
اكتەر 5 جىل بويى كورەيانىڭ ەڭ سۇلۋ اكتريساسى كيم تە حيمەن قارىم-قاتىناستا بولىپ، 2017-جىلى وتاۋ قۇرادى. جۇپتىڭ قازىر 2 قىزى بار.
رەين نەمەسە چوڭ جي حۋن - ءانشى، اكتەر، كومپوزيتور ءارى پروديۋسەر. قازىر ءارتىس «Street Women Fighter» جوباسىن جۇرگىزەدى. بۇدان باسقا، ول ا ق ش- تا جوسپارلانعان جاڭا جوباعا قاتىسۋ تۋرالى كەلىسسوزدەر جۇرگىزىپ جاتىر.
چا مۋ حەك
2004-جىلى چا مۋ حەكتى ويناعان سو جي سوپ «كەشىر، مەن سەنى سۇيەمىن» تەلەحيكاياسى ارقاسىندا قازاق قىزدارىنىڭ اراسىندا تانىمال بولدى. بۇدان باسقا، وعان «كۇن ءامىرشىسى»، «و، مەنىڭ ۆەنەرام» تەلەحيكايالارى دا تانىمالدىلىق اكەلدى.
2020-جىلى ول ديكتور چو ىن جوڭمەن وتاۋ قۇردى. ءبىر سۇحباتتارىندا ول 35 جاسىندا وتباسىلى بولۋدى ارماندايتىنىن ايتقان، ءبىراق اكتەر وتاۋىن تەك 41 جاسىندا قۇردى. ول كينوعا ءتۇسىپ قانا قويمايدى، ونىڭ 1 ساۋندترەگى مەن 3 كىتابى بار. 26- قازان اكتەردىڭ جاڭا تۋىندىسى كورەرمەن نازارىنا ۇسىنىلماق.
سون سىن حون
«جۇرەگىمدە قالعان كۇز»، «مەنىڭ حانشايىمىم» سەريالدارىندا باستى كەيىپكەردى سومداعان سون سىن حون بيىل 45 جاستا. اكتەردىڭ فيلموگرافياسىندا قازىر 32 تۋىندى بار.
2015-جىلى ول قىتاي ديپلوماتىنىڭ قىزى ليۋ يفەيمەن وتاۋ قۇرادى دەگەن قاۋەسەت تارادى، الايدا اكتەردىڭ باسى ءالى بوس. جۇپتىڭ نەگە وتاۋ قۇرماعانى، نەگە اجىراسىپ كەتكەنى تۋرالى ەشقانداي مالىمەت جوق.
سون سىن حون بيىلعى اقپاننان باستاپ Delivery Knight سەريالىنىڭ ءتۇسىرىلىمىن باستاپ كەتتى، جاقىندا تەلەحيكايا كورەرمەنگە جول تارتادى.