ق ر پرەمەر- ءمينيسترىنىڭ ورىنباسارى - ساۋدا جانە ينتەگراتسيا ءمينيسترى سەرىك جۇمانعارين الماتى وبلىسىنىڭ ەڭبەكشى قازاق اۋدانىندا جۇمىس ساپارىمەن بولدى.
ساپار بارىسىندا اتالعان ءوڭىردىڭ اگرارلىق كاسىپورىندارىنا بارىپ، وبلىس تۇرعىندارى جانە جەرگىلىكتى كاسىپكەرلەرمەن كەزدەستى.
«وبلىستا جەمىس باقتارى، كوكونىستەر، ءسۇت ونىمدەرى، شاعىن جانە ءىرى فەرمەرلىك شارۋاشىلىقتار سياقتى اگرارلىق بيزنەس قارقىندى دامىپ جاتقانى بايقالادى. ارينە، بارلىق كاسىپكەرلەر ءوندىرىس جەلىسىن دامىتۋعا جانە كەڭەيتۋگە تىرىسادى. ولار مۇنى قالاي جاساۋ كەرەكتىگىن بىلەدى، ءونىمنىڭ كولەمىن ارتتىرادى. ءوز ونىمدەرىن ءتيىمدى وڭدەۋ جانە ساقتاۋ ءۇشىن قولايلى تەحنولوگيالاردى ەنگىزىپ جاتىر. كەزدەسۋلەردە قويىلعان سۇراقتاردىڭ باسىم بولىگى بيۋروكراتيالىق كىدىرىستەر، اۋرە- سارساڭ، قاعازباستىلىقتىڭ كوپتىگىمەن بايلانىستى»، - دەپ جازدى سەرىك جۇمانعارين Facebook پاراقشاسىندا.
پرەمەر- ءمينيستردىڭ ورىنباسارىنىڭ ايتۋىنشا، ينفراقۇرىلىمدىق جانە باسقا دا كومپانيالار تاراپىنان مەملەكەتتىك قاتىسۋ جۇيەسىندە كەرى بايلانىس جوق.
«مىسالى، كاسىپكەر جاڭا تەحنولوگيامەن كوكونىستەردى جىلدام توڭازىتۋ كەشەنىن سالدى. ءبىراق، بارلىق قۇجاتتاردى جيناعانىنا قاراماستان، ايلاپ، جىلداپ ونى ماگيسترالدىق گازبەن جابدىقتاۋعا قوسا الماعان. سونداي- اق، ونىڭ جاڭا تەحنولوگياسى قولدانىستاعى ينۆەستيتسيالىق سۋبسيديالاۋ قاعيدالارىنا سايكەس كەلمەيدى ەكەن. باسقا فەرمەر انالىق مال باسىن كوبەيتۋ ءۇشىن اگرارلىق نەسيە كورپوراتسياسىنان 8 اي بويى نەسيە الا الماي ءجۇر. ءۇشىنشىسى سيدر مەن شاراپ وندىرەدى. ەكسپورتقا ءونىمدى جەتكىلىكتى كولەمدە جەتكىزۋگە دايىن، ءبىراق ەكسپورتتاۋشىلارعا ارنالعان مەملەكەتتىك قولداۋ شارالارىنان بەيحابار»، - دەيدى ول.
سونداي- اق، ۆيتسە- پرەمەر جانە ساۋدا ءمينيسترى كاسىپكەرلەرمەن كەزدەسۋ بارىسىندا ايتىلعان پروبلەمالار مەن ۇسىنىستاردى قۇزىرلى ورگاندارعا جەتكىزۋگە ۋادە بەردى.
«ال ەكسپورت بويىنشا ساۋدا كوميتەتىنە جانە كازترەيد كاسىپورنىنا تاپسىرما بەردىم. كەزدەسۋ بارىسىندا كوتەرىلگەن پروبلەمالار - قازىرگى كەدەرگىلەردىڭ از عانا بولىگى، باسىم كوپشىلىگى - بيزنەستىڭ دامۋىنا كەدەرگى كەلتىرەتىن اكىمشىلىك كەدەرگىلەر. كوپ جاعداي ماعان ءمالىم. باسەكەلەستىكتى قورعاۋ جانە دامتىۋ اگەنتتىگى جانىنداعى كەدەرگىلەر جونىندەگى كەڭەس الاڭدارىندا كوتەرىلگەن. ونىڭ قاتارىندا سالالىق مەملەكەتتىك ورگاندار شەشىپ جاتقان گازعا قوسىلۋ، جەڭىلدەتىلگەن كرەديتتەر جانە ينۆەستيتسيالىق سۋبسيديالاۋ قاعيدالارىنىڭ باسەكەلەستىككە قارسى نورمالارىن الۋ جونىندەگى پروبلەمالار بار»، - دەدى س. جۇمانعارين.
بۇعان دەيىن حابارلاعانىمىزداي ەلىمىزدە ساۋدا ساياساتى تۇجىرىمداماسى ازىرلەنىپ جاتىر.