بۇل تۋرالى ق ر پرەمەر- ءمينيسترىنىڭ ورىنباسارى - ساۋدا جانە ينتەگراتسيا ءمينيسترى سەرىك جۇمانعارين ءمالىم ەتتى، دەپ حابارلايدى قازاقپارات ءتىلشىسى.
«قازىر ساۋدا مينيسترلىگىندە ساۋدا ساياساتى بويىنشا تۇجىرىمداما ازىرلەپ جاتىرمىز. بۇل مىندەتتى تۇردە بيزنەسپەن بىرلەسىپ جاساپ، جۇمىس ىستەيتىن قۇجات بولۋى كەرەك. بۇل تۋرالى ەلورداداعى كەڭەستە ءىرى بيزنەس وكىلدەرىن حاباردار ەتتىم. سونىمەن قاتار تۇجىرىمداما جايىندا الماتى وبلىسىنىڭ تۇرعىندارى جانە كاسىپكەرلەرىمەن كەزدەسكەندە ايتتىم. ءبىز مەملەكەت پەن بيزنەس ءۇشىن ءتيىمدى قۇجات جاساۋعا مۇددەلى بارلىق ازاماتتان ۇسىنىستار كۇتەمىز»، - دەپ جازدى سەرىك جۇمانعارين Facebook پاراقشاسىندا.
سونداي- اق، پرەمەر- ءمينيستردىڭ ورىنباسارى ساۋدا ساياساتى تۇجىرىمداماسىنا قاتىستى ۇسىنىستاردى ساۋدا جانە ينتەگراتسيا مينيسترلىگىنە جولداۋعا بولاتىنىن ايتتى.
ونىڭ ايتۋىنشا، كەلىپ تۇسكەن ۇسىنىستار مەن پىكىرلەر جۇمىس توبىندا قارالادى.