وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، جول-كولىك وقيعاسى 11-قىركۇيەكتە ساعات 17:30 شاماسىندا بولعان.
«اتىراۋ قالاسىنداعى «بالاۋسا» شاعىن اۋدانىندا جەدەل- جاردەم بريگاداسىنىڭ كولىگى ەكىنشى دەڭگەيلى جولاقتان شىعىپ، باستى جولمەن كەلە جاتقان «Toyota Land Cruiser» كولىگىنە جول بەرمەگەن. سونىڭ سالدارىنان ەكى كولىك سوقتىعىسىپ قالعان. سوققىنىڭ ەكپىنىمەن جەدەل جاردەم كولىگى جەكە تۇرعىن ءۇيدىڭ قورشاۋىنا سوعىلعان»، - دەپ حابارلادى پوليتسيا دەپارتامەنتىنىڭ باسپا ءسوز قىزمەتىنەن.
جول- كولىك وقيعاسىنىڭ سالدارىنان جەدەل جاردەم كولىگىندە بولعان ەكى جولاۋشى جانە «Toyota Land Cruiser» كولىگىنىڭ جۇرگىزۋشىسى اۋرۋحاناعا جەتكىزىلدى.
قازىر پوليتسيا قىزمەتكەرلەرى جول- كولىك وقيعاسىنا بايلانىستى ءتيىستى ءىس-قۇجاتتاردى جيناقتاپ جاتىر.
پاترۋلدىك پوليتسيا باتالونىنىڭ كومانديرى داۋرەن ءناسيپوللانىڭ ايتۋىنشا، جىل باسىنان بەرى تەك اتىراۋ قالاسىنىڭ اۋماعىندا 93 جول-كولىك وقيعاسى تىركەلگەن. جول اپاتىنان 95 ادام ءارتۇرلى دەنە جاراقاتىن السا، 7 ادام قازا تاپقان.
ەسكە سالا كەتەلىك، بۇعان دەيىن اتىراۋ وبلىسىندا كولىك اۋدارىلىپ، ەكى ادام مەرت بولعانىن جازعان ەدىك.