شۋدا جول اپاتىنان قىز بالا كولىكتە جانىپ كەتتى، ەكى ادام اۋرۋحانادا
وقيعا 9-قىركۇيەك كۇنى ساعات 01.30 شاماسىندا شۋ قالاسىندا بولعان.
«Mercedes Benz اۆتوكولىگىنىڭ 30 جاستاعى جۇرگىزۋشىسى سەيفۋللين كوشەسىمەن ۇلكەن جىلدامدىقپەن كەلە جاتىپ، 29 جاستاعى جەرگىلىكتى تۇرعىننىڭ باسقارۋىنداعى Volkswagen Golf كولىگىنىڭ ارتقى جاعىنا سوعىلعان. قاتتى سوققىدان Volkswagen Golf ورتەنە باستاعان، كەيىن ينەرتسيامەن ۆاز-21150 كولىگىنىڭ الدىڭعى جاعىن سوققان.
سالدارىنان Volkswagen Golf اۆتوكولىگىندە بولعان 21 جاستاعى جولاۋشى قىز ورتتە قازا بولدى. وسى كولىكتىڭ 29 جاستاعى جۇرگىزۋشىسى مەن جولاۋشىسى ءتۇرلى دەنە جاراقاتتارىمەن شۋ قالاسىنىڭ ورتالىق اۋرۋحاناسىنا جەتكىزىلدى. اتالعان دەرەككە قاتىستى ق ر قىلمىستىق كودەكسىنىڭ 345-بابى 3-بولىگى بويىنشا سوتقا دەيىنگى تەرگەۋ امالدارى باستالدى. سونداي- اق ءبىرقاتار ساراپتاما تاعايىندالدى. Mercedes Benz اۆتوكولىگىنىڭ جۇرگىزۋشىسى ۋاقىتشا ۇستاۋ يزولياتورىنا قامالدى»، - دەلىنگەن حابارلامادا.