اتاق ولاردى قىمبات كولىكتەر مەن ۆيللالار ساتىپ الۋعا جانە ءارقاشان ءمىنسىز كورىنۋگە ءماجبۇر ەتەدى. مۇنىڭ سوڭى كەيدە تانىمال ادامنىڭ كەدەيلەنۋىنە اكەلەدى.
كەزدەيسوق بانكروتقا ۇشىراعان بىرنەشە تانىمال ادامدارمەن تانىسايىق.
مايك تايسون
بوكسشىلاردىڭ ىشىندەگى ەڭ تانىمالى تايسون شىعار. ونى بوكستىڭ اڭىزى دەپ تە اتايدى. مايك 20 جاسىندا اسا اۋىر سالماقتاعى الەم چەمپيوناتىندا جەڭىسكە جەتىپ، چەمپيون بولعان ەڭ جاس بوكسشى اتاندى. وسىدان كەيىن ول اتاقتى سپورتشى اتانىپ، ءبىر جەكپە-جەك ءۇشىن 30 ميلليون دوللار الاتىن جاعدايعا جەتتى.
ول 1990-جىلدارعا قاراي قيىندىقتارعا تاپ بولا باستاعان بوكسشى تابىسىنان شىعىنى 400000 دوللارعا ارتتى. تايسون ايەلىمەن اجىراسۋ پروتسەسىندە سوت شىعىندارىنا 9 ميلليون دوللار جۇمساعان. ناتيجەسىندە، 2003-جىلى 27 ميلليون دوللارعا جۋىق قارىزى بار اتاقتى بوكسشى بانكروتتىق تۋرالى ارىز بەرۋگە ءماجبۇر بولدى.
نيكولاس كەيدج
Forbes جۋرنالى اكتەردى كينو تاريحىنداعى ەڭ جوعارى جالاقى الاتىن جۇلدىزداردىڭ ءبىرى دەپ اتادى - تەك 2009-جىلدىڭ وزىندە ونىڭ تابىسى 40 ميلليون دوللاردى قۇراسا، 1996-جىلدان 2011-جىلعا دەيىن جالپى 150 ميلليون دوللار تابىس تاپقان. كەيدج قۇمار ويىن كەسىرىنەن بانكروتقا ۇشىراعان. تاعى دا ول قىمبات جادىگەرلەردى ساتىپ الاتىن ادەتى بولعان.
باعالى زاتتارىنىڭ اراسىندا قۇنى 150000 دوللار تۇراتىن قولدان جاسالعان سەگىزاياق، قۇلدار ازاپتالعان «ارۋاق ءۇيى» اتانىپ كەتكەن ايگىلى جاڭا ورلەاندىق مادام لا ءلوريدىڭ ءۇيى (3,4 ميلليون دوللار)، سۋپەرمەن كوميكستەرىنىڭ ءبىرىنشى باسىلىمى (150000 دوللار) جانە دينوزاۆر بار. اكتەر اۋكسيوندا 276000 دوللارعا ساتىپ العان ارتەفاكت ۇرلانعان بولىپ شىقتى. كەيدج ساتىپ العان تاريحي جادىگەرىن موڭعوليا ۇكىمەتىنە قايتارۋعا ءماجبۇر بولعان.
بۇگىنگى تاڭدا ونىڭ داۋلەتى 25 ميلليون دوللارعا باعالانادى. ءبىراق ا ق ش- تىڭ ىشكى كىرىستەر قىزمەتىنە قارىز. اكتەر قارجىلىق كۇيرەۋىنە مەنەدجەرىن كىنالايدى، ءبىراق بۇل ونى بانكروتتىقتان قۇتقارا المادى. كەيدج B- فيلمدەرىندەگى رولدەردى الۋعا جانە قارىزدارىن وتەۋ ءۇشىن جىلجىمايتىن مۇلىكتى ساتۋعا ءماجبۇر بولعان.
دجونني دەپپ
دەپپتىڭ بانكروتقا ۇشىراۋ تاريحى نيكولاس كەيدجمەن بولعان وقيعانى ەسكە تۇسىرەدى: تابىسى كوپ رولدەر (كاريب تەڭىزىنىڭ قاراقشىلارى فيلمىنىڭ ءاربىر ءبولىمى ءۇشىن 20 ميلليون دوللار) جانە جىلجىمايتىن مۇلىككە سالىنعان ينۆەستيتسيادان كۇتپەگەن قيالداردى جۇزەگە اسىرۋعا دەيىنگى وراسان زور شىعىندار.
مىسالى، دەپپ 14 رەزيدەنتسيا ساتىپ الۋعا 75 ميلليون دوللار جۇمسادى، سونىڭ ىشىندە فرانسياداعى ءبىر اۋىل بار. 2005-جىلى اكتەر مارقۇم دوسى، جۋرناليست جانە جازۋشى حانتەر تومپسوننىڭ كۇلىن اسپانعا زەڭبىرەكپەن اتقىزۋ تۋرالى سوڭعى وسيەتىن ورىنداۋ ءۇشىن 3 ميلليون دوللار جۇمسادى.
2016-جىلى اكتەردىڭ قارجىلىق جاعدايىنىڭ ناشارلاعانى سونشا، TMG كومپانياسىنداعى دەپپتىڭ ادۆوكاتتارى، اعايىندى ماندەليلەر وعان نەگىزگى اكتيۆتەرىن ساتۋدى ۇسىندى. اكتەر ولاردىڭ ارەكەتى ءوزىن بانكروتقا ۇشىراتتى دەپ مەنەدجەرلەردى سوتقا بەرىپ، وتەماقى تالاپ ەتتى.
دەپپتىڭ ايتۋىنشا كومپانيا ونىڭ بايلىعىن ءوز پايداسىنا جۇمساپ جىبەرگەن. بۇدان باسقا اكتەرگە ءمالىم ەتپەستەن قارىنداسى كريستيگە 7 ميلليون دوللار بەرگەن. ال، TMG اقشانىڭ قايدا جۇمسالىپ جاتقاندىعى تۋرالى وعان ايتىپ تۇرماعان ەكەن. دەپپ ءوزى قول قوياتىن چەكتەرگە كوبىنە قارامايتىنىن ايتادى. كومپانيا وسى ايلامەن ونىڭ اقشالارىن جۇمساپ جىبەردى دەپ وتىر اكتەر.
ال، TMG بۇل ايىپتى مويىندامايدى. كومپانيا مالىمەتىنە قاراعاندا اكتەر اقشانى مولىنان جۇمساۋدى جاقسى كورەدى ەكەن. مىسالى: دەپپ 75 ميلليونعا ۇيلەر، 200 ونەر تۋىندىسىن، 45 كولىك ساتىپ العان. بۇدان باسقا ول «كارداشيان جانۇياسى» شوۋىنان 7 مىڭ دوللارعا ديۆان ساتىپ العان. ءار اي سايىن ۇشاققا 200 مىڭ دوللار جۇمساعان. دارىگەرگە 1,2 ميلليون، وققاعارلارعا 1,8 ميلليون دوللار شىعىندانىپ وتىرعان ەكەن.
اكتەر كوپ اقشا جۇمساۋدى جاقسى كورەتىنىن مويىندايدى. مىسالى ول كومپانيا قۇجاتتارىندا كورسەتىلگەنىدەي 30 مىڭ دوللارعا ۆينو ساتىپ الماعان، بالكىم شاراپ ءۇشىن ودان دا كوپ اقشا جۇمساعان.
دەپپ 17 جىل ىشىندە 650 ميلليون دوللار تابىس تاپقان. ءبىراق تاپقان اقشاسىن جۇمساپ جىبەرگەن.
مارك تۆەن
جازۋشى كىتاپتارىن ساتۋ ارقىلى قوماقتى تابىس تاۋىپتى. دەگەنمەن، ول ۇنەمى ءوز اقشاسىن سەنىمسىز ينۆەستيتسيالارعا سالعان. وسىنداي ينۆەستيتسيانىڭ ءبىرى كىتاپ باسىپ شىعارۋ جانە بەتتەۋ ماشيناسى ءجيى بۇزىلىپ قالاتىن. ول وسىنداي قۇرىلعىعا 300000 دوللار (قازىرگى ۋاقىتتا قۇنى 7 ميلليون دوللار) جۇمساعان. سونىمەن قاتار، مارك تۆەن باسپا ماسەلەلەرىنە بايلانىستى كوپ اقشا جوعالتتى. ناتيجەسىندە، 1893-جىلى جازۋشى بانكروت دەپ تانىلدى. ءبىراز ۋاقىتتان كەيىن ول ءدارىس وقۋ ءۇشىن الەمدى ارالايدى. بۇل وعان قارىزداردان قۇتىلۋعا مۇمكىندىك بەردى.
رەمبراندت
ХVІІ عاسىرداعى اتاقتى نيدەرلاند سۋرەتشىسى سيرەك جانە قىمبات ەمەس زاتتاردى ساتىپ الۋدى ۇناتاتىن. 50 جاسقا تولعان شاعىندا ول ءوزىن بانكروت دەپ جاريالادى. ءبىر-ەكى جىلدان كەيىن سۋرەتشىنىڭ جيناعان بارلىق انتيكۆارياتى اۋكسيوندا ساتىلدى. سۋرەتشى شىعارمالارىن ساتا الماسا دا، قارتايعان شاعىندا دا سۋرەت سالۋدى جالعاستىرعان.
ۋولت ديسنەي
ۋولت ديسنەي تاماشا اڭگىمەشى جانە ءبىز كورەتىن كوپتەگەن مۋلتفيلمدەردىڭ اۆتورى. ديسنەي دوسىمەن بىرلەسىپ گاراجدا Laugh-O- Gram دەپ اتالاتىن ستۋديا قۇرعان. ول كەزدە ديسنەيدىڭ اقشاسى بولماعان. ءبىراز ۋاقىتتان كەيىن سەرىكتەستەر العاشقى «قىزىل تەلپەك» مۋلتفيلمىن جاسادى. الايدا ول دا ءساتسىز شىققان. وسىدان كەيىن سەرىكتەستەر وزدەرىن بىردەن بانكروت دەپ جاريالاعان.
دونالد ترامپ
بۇگىندە بۇل ادامدى ءبارى بىلەدى. امەريكانىڭ بۇرىنعى پرەزيدەنتى جانە الەمدەگى ەڭ باي ادامداردىڭ ءبىرى دونالد ترامپ ءوزىن 4 رەت بانكروت دەپ جاريالادى. كورپوراتيۆتىك بانكروتتىق جەكە قارجىسىنا اسەر ەتپەسە دە، العاشقى بانكروتتىعى وعان قاتتى اسەر ەتكەن. قۇمار ويىندارىن قارجىلاندىرعان كاسىپكەر جوعارى پايىزدى تولەي الماعان. ناتيجەسىندە ونىڭ قارىزى 900 ميلليون دوللارعا جەتكەن. ترامپ بىرنەشە اكتيۆتەر مەن اۋە كومپانيالارىن ساتۋ ارقىلى قارىزدارىنان قۇتىلا العان.
massaget.kz