قاراشىعاناقتا مۇناي ءوندىرۋ ۋاقىتشا توقتاتىلادى - مينيسترلىك

بۇل اقپاراتتى ق ر ەنەرگەتيكا مينيسترلىگىنىڭ باسپا ءسوز قىزمەتى راستادى، دەپ حابارلايدى قازاقپارات ءتىلشىسى.

«12- قىركۇيەك پەن 6- قازان ارالىعىندا قاراشىعاناق كەن ورنىندا جوسپارلى كۇردەلى جوندەۋ جۇرگىزۋ ءۇشىن مۇناي ءوندىرۋدى توقتاتۋ جوسپارلانعان»، - دەگەن اقپارات جاريالاندى بۇگىن ءبىرقاتار بۇقارالىق اقپارات قۇرالدارىندا.

وسى ورايدا ق ر ەنەرگەتيكا مينيسترلىگىنىڭ باسپا ءسوز قىزمەتى اتالعان اقپاراتتى قازاقپارات تىلشىسىنە راستادى.

ايتا كەتەيىك، باتىس قازاقستان وبلىسىندا ورنالاسقان قاراشىعاناق كەنىشى - دۇنيە جۇزىندەگى ەڭ ءىرى مۇناي-گاز كوندەنساتى كەن ورىندارىنىڭ ءبىرى. 1979-جىلى اشىلعان.

قاراشىعاناق جوباسى قازاقستان ۇكىمەتى جانە Shell (قاتىسۋ ۇلەسى %29,25)، ENI (29,25%)، شيەۆرون (%18)، لۋكويل (%13,5) كومپانيالارىنىڭ اليانسى مەن «قازمۇنايگاز» (%10) اراسىندا جاسالعان تۇپكىلىكتى كەلىسىم شەڭبەرىندە جۇمىس ىستەيدى.

ونداعى مۇناي قورى - 1,2 ميلليارد توننا، گاز قورى - 1,35 تريلليون تەكشە مەتر.