كەڭەس مەكتەبىندەگى سىزۋ ساباعى
سىزۋ - بۇل كەڭەس بالالارى ءتۇرلى ءپىشىندى سىزۋدى ۇيرەنگەن ءپان. ءار ساباق ءۇنسىز، ءىش پسىتىرارلىق بولاتىن، ويتكەنى وقۋشىلار كۇردەلى گەومەتريالىق پىشىندەردى مۇقيات سالاتىن. بۇل ءپاندى ءبارى وڭايلىقپەن ۇيرەنە المايتىن، ونىڭ ۇستىنە كوپ ۋاقىتتى قاجەت ەتەتىن.
قازىر «سىزۋ» ءپانى ءوزىنىڭ وزەكتىلىگىن جوعالتتى. سەبەبى بۇگىندە ەشكىم قولمەن سۋرەت سالمايدى، بارلىعىن AutoCAD سياقتى ارنايى كومپيۋتەرلىك باعدارلامالار جاسايدى.
ك س ر و- داعى ادەمى جازۋ ساباعى
ك س ر و تۇسىندا بالالاردى جاستايىنان كالليگرافيا ساباعىندا ادەمى جازۋعا ۇيرەتكەن. 1968 -جىلعا دەيىن ستۋدەنتتەر قالام جانە سيامەن جازاتىن. كەيىن شاريكتى قالامدار پايدا بولدى. دەگەنمەن، شاريكتى قالامنىڭ ىڭعايلىلىعىنا قاراماستان كەمشىلىگى دە بار ەدى. ولار قاعازدا تىم تەز سىرعىپ كەتە بەرەتىن دە ادەمى جازۋعا مۇمكىندىك بەرمەيتىن. ول كەزدە ادەمى قولجازبا ادامنىڭ وتە ماقتانارلىق قاسيەتى ەدى. ءبىراق بۇگىندە بالالارعا ادەمى جازۋدى ۇيرەتۋدىڭ قاجەتتىلىگى جويىلدى. سەبەبى، قازىر تەحنولوگيا زامانى. ادامدار قولىنا قالام سيرەك ۇستايتىن بولدى. ادەمى جازۋ ءۇشىن بەلگىلى ءبىر ءشريفتتى تاڭداپ، پەرنەتاقتا باسسا جەتكىلىكتى.
ك س ر و- داعى لوگيكا ساباقتارى
سىزۋ جانە كالليگرافيا ساباقتارى كەيبىر وقۋشىلارعا ءالى دە تانىس بولۋى مۇمكىن. ءبىراق «لوگيكا» دەپ اتالاتىن ءپان تۋرالى ولاردىڭ ابدىراپ قالۋى ءسوزسىز. ول ورتا عاسىرلاردا، ۋنيۆەرسيتەتتىك ءبىلىم بەرۋ جۇيەسىندە پايدا بولدى. بۇل عىلىم باستاعى اقپاراتتى رەتكە كەلتىرەدى جانە الەمدى تۇسىنۋگە ارنالعان دەپ ەسەپتەلدى.
ورىس گيمنازيالارىندا لوگيكا ءپانى ⅩⅨ عاسىردا پايدا بولدى، ءبىراق كەيىن نەگىزگى پاننەن الىنىپ تاستالدى. ادامدار بۇل ستۋدەنتتەرگە ەشقانداي پايدا اكەلمەيدى دەپ ەسەپتەدى. وسىدان كەيىن ول بىرنەشە رەت مەكتەپ باعدارلاماسىنان ەنىپ، قايتا الىندى. سوڭعى رەت 1940 -جىلدارى ەنگىزىلدى، ءبىراق كەيىن، 1959 -جىلى ول قايتادان مەكتەپ باعدارلاماسىنان الىندى.
massaget.kz