اقمولا وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنشە، قىركۇيەكتىڭ 2 سىندە اتباسار اۋداندىق كوپبەيىندى اۋرۋحاناسىنا مويىن، كەۋدەنىڭ وڭ جاق تۇسىنا وق تيگەن 39 جاستاعى ەر ادام ءتۇستى. ناۋقاستىڭ سوزىنشە، ەسىل وزەنىنىڭ ماڭىندا بالىق اۋلاپ جۇرگەن وعان بەلگىسىز بىرەۋ وق اتقان.
«دارىگەرلىك تەكسەرىس كەزىندە ەر ادامنىڭ مويىن تۇسىنان، وڭ جاقتاعى سۋپراكلاۆيكۋليارلىق ايماققا وق تيگەنى انىقتالدى. ناۋقاسقا دارىگەر حيرۋرگ ۆيكتور كوزەيەۆ وتا جاسادى»، - دەدى ۆەدومستۆودان.
اتباسار اۋداندىق كوپبەيىڭدى اۋرۋحاناسىنىڭ باس دارىگەرى زارىققان شاۋبايەۆتىڭ ايتۋىنشا، بۇگىنگى تاڭدا ناۋقاستىڭ جاعدايى تۇراقتى. ەر ادام تراۆماتولوگيا بولىمىنە جاتىزىلدى.
اقمولا وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، زارداپ شەگۋشىنى اتباسار قالاسىنىڭ 1990 -جىلعى تۇرعىنى اڭ اۋلاپ جۇرگەندە ابايسىزدا اتىپ جىبەرگەن. بۇل دەرەك قىلمىستىق كودەكستىڭ 114-بابىنىڭ 3-بولىگى «ابايسىزدا دەنساۋلىققا اۋىر زيان كەلتىرۋ» بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ەنگىزىلدى.
بۇدان بولەك، اكىمشىلىك قۇقىقبۇزۋشىلىق كودەكسىنىڭ 482-بابى «جەكە جانە زاڭدى تۇلعالاردىڭ قارۋدى زاڭسىز ساتىپ الۋى، بەرۋى، وتكىزۋى، ساقتاۋى، الىپ ءجۇرۋى، تاسىمالداۋى» بويىنشا اكىمشىلىك حاتتاما تولتىرىلدى.