جاڭادان سالىنعان تۇرعىن ءۇي نارىعىندا باعا تومەندەدى

بۇل تۋرالى قازاقپارات ۇلتتىق ستاتيستيكا بيۋروسىنا سىلتەمە جاساپ حابارلايدى.

وڭىرلەر بويىنشا الساق، جاڭا سالىنعان تۇرعىن ءۇي نارىعىندا جىلدىق ماندە باعا اقتوبە قالاسىندا - 32,5 پايىزعا، نۇر-سۇلتاندا - 27,6 پايىزعا، قوستانايدا - 26,3 پايىزعا قىمباتتادى.

ال، قولدانىستاعى باسپانا ساۋداسىندا باعا ءوسىمى بويىنشا كوشباسشىلار - قىزىلوردا قالاسى (48,4 پايىز)، نۇر-سۇلتان قالاسى (40,8 پايىز)، وسكەمەن قالاسى (39,9 پايىز)، تالدىقورعان قالاسى (36,5 پايىز).

تۇرعىن ءۇيدى جالعا بەرۋ نارىعى بويىنشا الماتى قالاسىندا باعا بارىنەن قىمبات - 62,5 پايىز.

سونىمەن قاتار، ءبىر ايدىڭ ىشىندە (تامىز - شىلدە) پاتەرلەردى قايتا ساتۋ باعاسى 0,4 پايىز ءوستى، ال جاڭا تۇرعىن ءۇيدى ساتۋ 0,1 پايىز تومەندەدى. اباتتاندىرىلعان تۇرعىن ءۇيدى جالعا الۋ تولەمى شىلدەمەن سالىستىرعاندا تامىزدا 12,4 پايىز جوعارىلادى.

«ق ر س ج ر ا ۇلتتىق ستاتيستيكا بيۋروسى تۇرعىن ءۇي باعاسى بويىنشا اي سايىن مونيتورينگ جۇرگىزەدى. باعا يندەكستەرى وبلىس ورتالىقتارى مەن نۇر-سۇلتان، الماتى، شىمكەنت قالالارى بويىنشا ىرىكتەپ بايقاۋ دەرەكتەرى نەگىزىندە قالىپتاستىرىلادى. جاڭا تۇرعىن ۇيلەر بويىنشا اقپارات ساتۋ وپەراتسيالارىن جۇرگىزەتىن قۇرىلىس كومپانيالارىنان جينالادى، بۇل رەتتە پاتەردىڭ باستاپقى جانە تازا ارلەنگەندەگى باعاسى ەسكەرىلەدى. پاتەرلەردى قايتا ساتۋ جانە جالعا الۋ بويىنشا دەرەكتەر ينتەرنەتتە، بۇقارالىق اقپارات قۇرالدارىندا ورنالاستىرىلاتىن حابارلاندىرۋلار نەگىزىندە جينالادى. باعالاردى ەسەپتەۋ كەزىندە ءبىر، ەكى، ءۇش بولمەلى پاتەرلەر بويىنشا ۇسىنىستار ەسەپكە الىنادى»، - دەلىنگەن بيۋرو حابارلاماسىندا.