وبلىس اكىمدىگىنىڭ تەلەگرام كانالىنا اقتاۋداعى 1-سىنىپ وقۋشىسىنىڭ اتا-اناسى وقىتۋ باعدارلاماسىندا دەنە شىنىقتىرۋ ءپانى اپتاسىنا ءۇش رەت وتكىزىلەتىنىن، بۇل مەكتەپكە جاڭا بارعان بالانىڭ ويىن بولەتىنىن ايتىپ شاعىمدانعان.
قوعامدىق كوممۋنيكاتسيا ورتالىعىنىڭ مالدىمەتىنشە، تۇرعىننىڭ ساۋالىنا قالالىق ءبىلىم ءبولىمىنىڭ ماماندارى جاۋاپ بەرگەن.
جەلى قولدانۋشىسى 1-سىنىپ وقۋشىلارىنا اپتاسىنا ءۇش رەت وتكىزىلەتىن دەنە شىنىقتىرۋ ساباعىن ازايتىپ، ورنىنا الىپپە ساباعىن وقىتۋدى سۇراپ، ۇسىنىس جاساعان.
دەنە شىنىقتىرۋ ساباعىن اپتاسىنا ءبىر وتسە دە جەتكىلىكتى دەيدى تۇرعىن. اتا-انانىڭ ساۋالىنا اقتاۋ قالالىق ءبىلىم ءبولىمىنىڭ ماماندارى جاۋاپ بەردى.
- 2007 -جىلعى 27-شىلدەدەگى ءبىلىم تۋرالى زاڭنىڭ 5-بابى 6-تارماقشاسىنداعى بۇيرىعىمەن قازاقستانداعى باستاۋىش، نەگىزگى ورتا، جالپى ورتا ءبىلىم بەرۋدىڭ ۇلگىلىك وقۋ جوسپارلارى بەكىتىلدى. وسى ءبىلىم بەرۋدىڭ ۇلگىلىك وقۋ جوسپارىن نەگىزگە الا وتىرىپ، ق ر وقۋ-اعارتۋ ءمينيسترىنىڭ 12-تامىزداعى بۇيرىعىنا سايكەس باستاۋىش، نەگىزگى ورتا، جالپى ورتا مەكتەپتەردە دەنە شىنىقتىرۋ ءپانى اپتاسىنا 3 ساعاتتان وتكىزىلەتىندىگىن قاپەرىڭىزگە بەرەمىز، - دەدى جاۋاپتى ءبولىم ماماندارى.
- وبلىس اكىمدىگىنىڭ Telegram كانالىنا اقتاۋ قالاسىنىڭ تۇرعىنى ءبىرىنشى سىنىپتا وقيتىن بالاسىنىڭ وقۋ باعدارلاماسىندا دەنە شىنىقتىرۋ ءپانى اپتاسىنا ءۇش رەت بولاتىنىن ايتىپ، ونى ازايتۋدى سۇراعان. ياعني اتالعان ساباقتى اپتاسىنا ءۇش رەت ەمەس، ءبىر رەت وتكىزۋ جونىندە ۇسىنىس بىلدىرگەن. جاۋاپتىلار تۇرعىننىڭ ساۋالىنا بەكىتىلگەن زاڭعا سايكەس، ساباقتى قىسقارتا المايتىنىن جەتكىزدى. تەلەگرام كانالعا قازىرگى تاڭدا 11399 ادام تىركەلگەن. وسى ۋاقىتقا دەيىن 12216 سۇراق كەلىپ ءتۇسىپ، ونىڭ 12190-نا جاۋاپ بەرىلدى، - دەيدى قوعامدىق كوممۋنيكاتسيا ورتالىعى ب ا ق- پەن جۇمىس ءبولىمىنىڭ مامانى اقمارال قۇلتۋمايەۆا.