اسا اۋىر سالماقتاعى قازاقستاندىق بوكسشى كەلەسى جەكپە-جەگىن وتكىزەك

نۇر-سۇلتان. قازاقپارات - WBC International تۇجىرىمى بويىنشا اسا اۋىر سالماقتاعى قازاقستاندىق چەمپيون جان كوسوبۋتسكي (18-0، 17 ك و) ءوزىنىڭ كەلەسى جەكپە-جەگى تۋرالى جاڭالىعىمەن ءبولىستى، دەپ حابارلايدى قازاقپارات Sports.kz-كە سىلتەمە جاساپ.

«مەنىڭ رينگكە شىعۋىمدى كۇتىپ جۇرگەن دوستار، جەكپە-جەك جاقىندا قاراشا ايىنىڭ باسىندا، گەرمانيادا وتەدى دەپ ويلايمىن. قارسىلاس تا انىقتالعان سياقتى. ول 16 جەڭىلىسسىز جەكپە-جەك وتكىزگەن. جاقىندا كەزدەسكەنشە»، - دەدى جان Instagram جەلىسىندەگى Stories بولىمىندە جاريالانعان ۆيدەودا.

سوڭعى جەكپە-جەگىن جان كوسوبۋتسكي 21- مامىردان 22- مامىرعا قاراعان ءتۇنى گامبۋرگتە (گەرمانيا) وتكىزدى.

وندا فرانسۋز سپورتشىسى جوان ديۋوپتى (39-7، 26 ك و) مەرزىمىنەن بۇرىن جەڭىپ، WBC International نۇسقاسى بويىنشا ەكىنشى دارەجەلى تيتۋلعا يە بولدى.