گولوۆكيننىڭ «كانەلوعا» قارسى سۇمدىق قارۋى بارى ايتىلدى

نۇر-سۇلتان. قازاقپارات - گەننادي گولوۆكين (42-1-1، 37 ك و) مەن ساۋل «كانەلو» الۆارەس (57-2-2، 39 ك و) اراسىنداعى جەكپە-جەك نەمەن اياقتالارى بەلگىسىز.

مۇنداي پىكىردى Vesti.kz تىلشىسىنە بەرگەن سۇحباتىندا بريتانيالىق جۋرناليست بەن سميت ايتتى.

ونىڭ سوزىنشە، الدىڭعى ەكەۋىنە قاراعاندا ءۇشىنشى ايقاستا بوكسشىلار ايانىپ قالمايدى.

«بۇل ەكەۋى ءۇشىن دە وتە ۇلكەن ايقاس. ەكەۋىنىڭ تەكەتىرەسىندە جەكە باستىڭ ءىسى بار. گولوۆكين جەڭەمىن دەگەن ويدا. «كانەلو» دا وزىنە سەنىمدى. ءۇشىنشى جەكپە-جەك بارىنە نۇكتە قويۋ كەرەك. جاس ايىرماشىلىعىن ەسەپكە الساق، الۆارەستە مۇمكىندىك جوعارى.

الايدا مۇنى جەكپە-جەك قانا كورسەتەدى. گولوۆكيننىڭ سۇمدىق سوققىسى ەشقايدا كەتىپ قالعان جوق. بۇل كەز كەلگەن ساتتە باسىمدىق بەرۋى مۇمكىن. ەگەر الدىڭعى ەكى ايقاستا قارسىلاستار ابايلاپ جۇدىرىقتاسسا، بۇل جولى ايانىپ قالمايدى. ويتكەنى بۇل ولاردىڭ كارەراسىنداعى ەڭ ماڭىزدى جەكپە-جەك»، - دەيدى سميت.