ينەسىز ۆاكسينانىڭ ەكى ءتۇرى بار: ءبىرى مۇرىنعا شاشۋ، ەكىنشىسى اۋىزبەن دەمالۋ، دەپ حابارلايدى قازاقپارات ءتىلشىسى CBS News-كە سىلتەمە جاساپ.
ءۇندىستاننىڭ رەتتەۋشى ورگانى مۇرىنعا شاشاتىن Bharat Biotech ۆاكسيناسىن ماقۇلدادى. ەلدىڭ دەنساۋلىق ساقتاۋ ءمينيسترى مانسۋح مانداۆيا Twitter- دە بۇل قادام پاندەميامەن ۇجىمدىق كۇرەستى ودان ءارى كۇشەيتەتىنىن جازدى.
مۇرىنعا ارنالعان ۆاكسينانى سەنت-لۋيستەگى ۆاشينگتون ۋنيۆەرسيتەتىنىڭ عالىمدارى جاساعان جانە كەيىننەن ۇندىلىك ۆاكسينا ءوندىرۋشى Bharat Biotech ليتسەنزياسىن العان. كومپانيا ەكى مارتە سىناق وتكىزدى: بۇرىن ەكپە الماعان ەرىكتىلەرگە 3,1 مىڭ ۆاكسينانىڭ ەكى دوزاسىن جانە COVID-19 باسقا ۆاكسيناسىنان ەكى دوزا العان 875 ەرىكتىگە قوسىمشا ەكپە ەكتى.
Cansino Biologics ءمالىم ەتكەندەي، قىتاي رەتتەۋشى ورگاندارى كوروناۆيرۋس ۆاكسيناسىنىڭ ينگالياتسيالىق نۇسقاسىن ۇدەتكىش دوزا رەتىندە قولدانۋ ءۇشىن ماقۇلداعان. كومپانيا الدىن الا زەرتتەۋ ناتيجەلەرىنە نازار اۋدارىپ، بۇل ينگالياتسيالىق نۇسقا ءبىر دەم العاننان كەيىن يممۋندىق قورعانىستى كۇشەيتەتىنىن اتاپ وتكەن.