جاپونيا جەكە تۋريستەر ءۇشىن شەكارانى اشادى

ءبىراق، بۇل رۇقساتتىڭ ءوز بەتىمەن ساياحاتتاۋشىلارعا قاتىسى جوق.

بۇل تۋرالى COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ تەلەگرام كانالىندا جاريالاندى، دەپ حابارلايدى قازاقپارات.

جەرگىلىكتى ب ا ق- تىڭ ۇكىمەت وكىلىنە سىلتەمە جاساپ حابارلاۋىنشا، شەتەلدىكتەر جاپونياعا توپتىق ساپار شەڭبەرىنەن تىس بارا الادى، ءبىراق ونىڭ وزىندىك شارتى بار. ساياحاتتاۋشى اۋە بيلەتتەرى مەن تۇراتىن جەرىنە تۋراگەنتتىك ارقىلى تاپسىرىس بەرۋى ءتيىس. بۇل جاعدايدا تۋريستىك اگەنتتىكتەر ساياحاتشىنىڭ ناقتى ورنالاسقان جەرىن ءبىلىپ وتىرماق. كومپانيالاردىڭ مىندەتتەرىنە الەۋمەتتىك قاشىقتىق قاعيدالارى تۋرالى اقپارات بەرۋ دە كىرەدى. ەگەر قوناقتار اۋىرىپ قالسا، اگەنتتىكتەر ارادا بايلانىس ورناتۋشى بولادى.

تۋريستىك اگەنتتىكتەر ۇسىنباعان تۇرعىن ۇيدە، مىسالى جەكە پاتەرلەر مەن شاعىن قوناق ۇيلەردە تۇرعىسى كەلەتىن ساياحاتشىلارعا ەلگە كىرۋگە رۇقسات بەرىلمەيدى.

سونىمەن قاتار، 7- قىركۇيەكتەن باستاپ ەل كۇن سايىن 20 ەمەس، 50 مىڭ كەلۋشىنى قابىلداۋدى جوسپارلاپ وتىر.