جەردە ۇيىقتاپ جاتقان ءورت سوندىرۋشىلەردىڭ سۋرەتى كوپتى ءتانتى ەتتى

بۇل جاريالانىمعا قازاقستاندىقتار قىزۋ قولداۋ كورسەتىپ، قۇتقارۋشىلارعا ىزگى تىلەگەن جازدى، دەپ حابارلايدى قازاقپارات ءتىلشىسى.

«ناعىز باتىرلار»، «سىزدەر ءوز ميسسيالارىڭىزدى ابىرويمەن ورىندادىڭىزدار»، «مىنە، ناعىز قۇرمەتكە لايىق ازاماتتار»، «سىزدەرگە العىسىمىز شەكسىز»، «جارايسىڭدار، جىگىتتەر»، «ەڭ قاۋىپتى ءارى باعالانا بەرمەيتىن كاسىپ» دەگەن پىكىرلەر ارقىلى الەۋمەتتىك جەلى قولدانۋشىلارى قۇتقارۋشىلارعا قولداۋ ءبىلدىردى.

ەسكە سالايىق، قوستاناي وبلىسى اۋليەكول اۋدانىنداعى ءورت سالدارىنان 43 مىڭ گەكتار ورمان ورتەندى. سونداي- اق، ءتىلسىز جاۋ كەسىرىنەن 108 قۇرىلىس نىسانى تولىق جانىپ كەتتى.

سونىمەن قاتار، قىزىل جالىن سالدارىنان 12 ادام ءتۇرلى جاراقات الىپ، 1935 -جىلى تۋعان تۇرعىن كوز جۇمدى. ال، ءورت باستالعاننان بەرى 2091 ادام قاۋىپسىز جەرلەرگە كوشىرىلدى.

جەدەل شتابتىڭ قازىرگى ۋاقىتتاعى مالىمەتى بويىنشا، ءورت تولىق باقىلاۋدا. ەلدى مەكەندەرگە قاۋىپ ءتونىپ تۇرعان جوق.