گولوۆكين كانەلومەن جەكپە-جەككە دايىندىعىن كورسەتتى

نۇر-سۇلتان. قازاقپارات - گەننادي گولوۆكين (42-1-1، 37 ك و) مەكسيكالىق ساۋل كانەلو الۆارەسپەن (57-2-2، 39 كو) ءۇشىنشى جەكپە-جەك الدىندا جاتتىعۋ لاگەرىنەن دايىندىعىن كورسەتەتىن سۋرەتىن جاريالادى، - دەپ حابارلايدى Vesti.kz.

تريلوگيا 11 كۇننەن كەيىن لاس-ۆەگاستاعى T- Mobile Arena سپورت كەشەنىندە وتەدى.

«جاتتىعۋ لاگەرىندەگى قورىتىندى اپتا»، - دەدى ول Instagram-دا.

ايتا كەتەيىك، ەكىنشى ورتا سالماقتا ابسوليۋت الەم چەمپيونى مەكسيكالىق ساۋل كانەلو الۆارەس (57-2-2، 39 ك و) 17- قىركۇيەكتە گەننادي گولوۆكينمەن (42-1-1، 37 ك و) ءۇشىنشى جەكپە-جەگىن وتكىزەدى.

ولاردىڭ بۇعان دەيىنگى ەكى جەكپە-جەگى ورتا سالماق دارەجەسىندە وتكەن ەدى، ءبىرىنشىسى 2017-جىلدىڭ قىركۇيەگىندە داۋلى ەسەپپەن تەڭ اياقتالسا، ءبىر جىلدان كەيىنگى كەزدەسۋ مەكسيكالىقتىڭ پايداسىنا شەشىلگەن بولاتىن.