ءمينيستردىڭ سوزىنشە، اقشا بالالاردىڭ شوتىنا جىلىنا ءبىر رەت سالىنىپ، دوللارمەن ساقتالادى.
«جىل سايىن سالىنىپ تۇرادى. وتكەن جىلعى ينۆەستيتسيالىق كىرىس الىنادى جانە شوتتار بويىنشا بولىنەدى. ياعني 2024-جىلى 1- قاڭتاردا بالالاردىڭ شوتىنا 2023-جىلعى كىرىستەن اقشا سالىنادى»، - دەيدى قۋانتىروۆ.
ونىڭ سوزىنشە، ينفلياتسيادان قورعاۋ ءۇشىن قاراجات دوللارمەن ساقتالادى.
سونداي-اق، مينيستر پرەزيدەنتتىڭ باسپا ءسوز حاتشىسى رۋسلان جەلدىبايدىڭ ءۇش مىڭ دوللار تۋرالى ايتقان سوزىنە تۇسىنىكتەمە بەرىپ، ءار بالاعا ارنالعان سومانى ناقتىلادى.
«ءۇش مىڭ دوللار - بولجام بويىنشا ايتىلعان سوما. مەنىڭ تۇسىنگەنىم بويىنشا، ءسىز پرەزيدەنتتىڭ باسپا ءسوز حاتشىسى اتاعان سومانى ايتىپ وتىرسىز. بۇگىندە ول قوسىمشا ەسەپتەلىپ جاتىر جانە ول بالالارعا ارنالعان باعدارلاما ەكەنىن ەسكەرۋ كەرەك. جۇيە 2024-جىلدان باستاپ ىسكە قوسىلادى جانە بالا جۇيەدە تەك ەكى جىل عانا ەسەپتەلۋى مۇمكىن (مىسالى 2024-جىلى بالا 16 نە 17 جاستا بولۋى مۇمكىن- ە س ك.). سايكەسىنشە ولاردىڭ ەسەبىندە اقشا ازىراق بولادى»، - دەپ ءتۇسىندىردى ۇلتتىق ەكونوميكا ءمينيسترى.