ەۋروپاداعى ەڭ ارزان دەمالىس قالاسى اتالدى
افينا ەۋروپاداعى ەڭ ارزان دەمالىس قالاسى بولدى. قالاداعى باعالار 2021 -جىلمەن سالىستىرعاندا 15 پايىزعا تومەندەگەن. مۇنى Post Office Travel Money جۇرگىزگەن تالداۋ كورسەتتى.
ەرلى-زايىپتىلار ءۇشىن ەكى تۇنگە قوناقۇيدە تۇرۋ، تاماقتانۋ، اتتراكسيوندارعا بيلەتتەر جانە جەرگىلىكتى كولىكتە جول ءجۇرۋدى قوسا العاندا، شىعىندار شوتى 207 فۋنت ستەرلينگتى (112469 تەڭگە) قۇرادى.
ليسسابون تىزىمدە ەكىنشى ورىندا. وندا وسىنداي شىعىندار 218 فۋنت ستەرلينگ (118445 تەڭگە) بولدى.
ءبىر قىزىعى، مۇنداي رەيتينگتەردە پولياك كراكوۆ، لاتۆيا ريگاسى جانە ۆەنگر بۋداپەشتى كوشباسشى بولدى. ءبىراق بۇل جولى افينا مەن ليسسابون ارزانىراق ەكەنى انىقتالدى.
«افينا مەن ليسسابون ەكى ەسە ارزان جانە كۇزدىڭ شۋاقتى كليماتىن، سونداي- اق تومەن باعانى ۇسىنادى. ءبىزدىڭ دەمالۋشىلارعا كەڭەسىمىز - برونداۋ الدىندا باعانى تەكسەرۋ»، - دەپ اتاپ ءوتتى ساراپشىلار.