«ءورت تۋرالى حاباردىڭ كەش جەتكەنى تۋرالى ايتساق، بۇل اۋەلى تەحنيكالىق پروبلەما بولسا كەرەك. ول تۋرالى جاڭا دا سويلەستىك. ۇكىمەتكە بۇل پروبلەمانى شەشۋ جۇكتەلەدى. تۇتانعان ءورت تۋرالى جانە ونىڭ اۋماعى تۋرالى ناقتى اقپاراتتى كەشىكپەي الۋ ءۇشىن ءتيىستى تەحنيكالىق قوندىرعى ورناتىلۋى كەرەك»، - دەدى مەملەكەت باسشىسى قوستاناي وبلىسىنداعى جۇمىس ساپارىندا.
پرەزيدەنت ءورت ءسوندىرۋشى مامانداردى دايارلاۋ ىسىنە ءىرى بيزنەستىڭ دە قولداۋ كورسەتۋى كەرەكتىگىن اتاپ ءوتتى.
«مينيستر (توتەنشە جاعداي ءمينيسترى يۋري يلين - اۆت.) تىكۇشاقتا ماعان كوكشەتاۋدا مامان دايارلايتىن وقۋ ورنى بار ەكەنىن باياندادى. ءبىراق ول مەكەمەنىڭ تەحنيكالىق جابدىقتالۋى ناشار. ەڭ اۋەلى جاتاقحانا جوق. جاتاقحانا بولماسا، ستۋدەنتتەردى قالاي وقىتۋعا بولادى؟ بۇل ماسەلەنى وتە شۇعىل شەشۋ كەرەك. ءبىزدىڭ تابىستى كاسىپكەرلەر، باسقا دا ماتەريالدىق مۇمكىندىگى جاقسى ادامدار ءبىرىنشى كەزەكتە جاتاقحانا سالۋ ماسەلەسىن شەشۋگە كومەكتەسەدى دەپ ويلايمىن. وقۋ كورپۋسىن سودان كەيىن سالىپ، جاراقتاندىرامىز»، - دەدى قاسىم-جومارت توقايەۆ.
بۇعان دەيىن مەملەكەت باسشىسىنىڭ توتەنشە جاعدايلار مينيسترلىگىن قىزمەتكەرلەرىن تۇرعىن ۇيمەن قامتاماسىز ەتۋگە قابىلەتتى ينستيتۋت رەتىندە كۇشەيتۋ تۋرالى تاپسىرما بەرگەنىن جازعان ەدىك.