مەملەكەتتىك «ۇركەر» سىيلىعىنا احمەت بايتۇرسىن ۇلى اتىنداعى نوميناتسيا ەنگىزىلەدى

نۇر-سۇلتان. قازاقپارات – ب ا ق وكىلدەرىنە ارنالعان مەملەكەتتىك «ۇركەر» سىيلىعىندا جاڭا نوميناتسيا پايدا بولماق.

بۇل تۋرالى ق ر اقپارات جانە قوعامدىق دامۋ ءمينيسترى دارحان قىدىرالى ءمالىم ەتتى، دەپ حابارلايدى قازاقپارات ءتىلشىسى.

«احمەت بايتۇرسىن ۇلى جانە باسقا دا الاش ارداقتىلارىن ۇلىقتاۋدا مەملەكەت باسشىسىنىڭ باستاماسىمەن كوپتەگەن ىرگەلى ىستەر اتقارىلىپ جاتىر. بۇگىن احاڭنىڭ تۋعان ولكەسى قوستانايدا ۇلكەن توي ءوتۋ كەرەك ەدى. توتەنشە جاعداي بولىپ قالدى. قوستاناي حالقىنا سابىر تىلەيمىز»، - دەدى دارحان قىدىرالى ەلوردادا ءوتىپ جاتقان احمەت بايتۇرسىن ۇلىنا ارنالعان حالىقارالىق كونفەرەنسيادا.

ءمينيستردىڭ ايتۋىنشا، بۇگىندە احمەت بايتۇرسىن ۇلىنىڭ مۇراسىنا ارنالعان عىلىمي تۋىندىلار جازىلىپ، دەرەكتى فيلم ءتۇسىرىلىپ جاتىر.

«بيىل وتەتىن «Astana Media Week» حالىقارالىق شاراسىندا احمەت بايتۇرسىن ۇلىنا ارنالعان تاقىرىپ ۇيىمداستىرامىز. سول سياقتى «ۇركەر» شىعارماشىلىق بايقاۋىنىڭ ۇلكەن ءبىر اتالىمىنا احمەت بايتۇرسىن ۇلى اتاۋىن بەرۋ جوسپارلانىپ وتىر»، - دەيدى ول.

ايتا كەتەيىك، ەلوردادا احمەت بايتۇرسىن ۇلىنىڭ مول مۇراسىنا ارنالعان «احمەت بايتۇرسىن ۇلىنىڭ عىلىمي مۇراسى جانە قازاقستاننىڭ زياتكەرلىك ساباقتاستىعى» اتتى عىلىمي-پراكتيكالىق حالىقارالىق كونفەرەنسيا ءوتىپ جاتىر.

سونداي-اق، اتالعان شارا بارىسىندا احمەت بايتۇرسىن ۇلى اتىنداعى مەملەكەتتىك سىيلىقتىڭ تاعايىندالاتىنى بەلگىلى بولدى.