اعىلشىن ءتىلىن وقىتۋ ساعاتى كوبەيتىلەدى

نۇر- سۇلتان. قازاقپارات - 2024 -جىلدان باستاپ 3-سىنىپتا اعىلشىن ءتىلىن وقىتۋ ساعاتى كوبەيتىلەدى.

بۇل تۋرالى ۇكىمەت وتىرىسىندا ق ر وقۋ- اعارتۋ ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«پرەزيدەنت جاراتىلىستانۋ- ماتەماتيكا سيكلىندەگى جانە تىلدىك پاندەرگە باسىمدىق بەرۋ تۋرالى تاپسىرما بەردى. ماتەماتيكا، فيزيكا، حيميا، بيولوگيا پاندەرىن وقىتۋ ساعاتتارىن ۇلعايتۋ ماسەلەسى قاراستىرىلىپ وتىر»، - دەدى ول.

ءمينيستردىڭ ايتۋىنشا، وقۋ باعدارلامالارى دا جاڭارتىلاتىن بولادى.

«حالىقارالىق تاجىريبەگە سايكەس 2024 -جىلدان باستاپ 3-سىنىپتا اعىلشىن ءتىلىن وقىتۋ ساعاتتارىن كوبەيتۋ، قازاق جانە ورىس تىلدەرىن مەڭگەرۋگە قاجەتتى وقۋ جۇكتەمەسى قامتاماسىز ەتۋ بويىنشا شارالاردى قابىلدايمىز»، - دەدى اسحات ايماعامبەتوۆ.

اۆتور

مارلان جيەمباي