بۇل تۋرالى بۇگىن ۇكىمەت وتىرىسىندا ق ر پرەمەر- ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى.
«ەڭبەك مينيسترلىگى قارجى جانە ۇلتتىق ەكونوميكا مينيسترلىكتەرىمەن بىرلەسىپ، ەڭ تومەنگى جالاقى مولشەرىن كوتەرۋ ماسەلەسىن پىسىقتاۋى قاجەت. الەۋمەتتىك قامسىزداندىرۋ جۇيەسىنە وزگەرىستەر ەنگىزۋ، بالا كۇتىمى بويىنشا جانە جۇمىسسىز قالعاندا بەرىلەتىن الەۋمەتتىك تولەمدەردى ۇلعايتۋ، وتباسىنىڭ سيفرلىق كارتاسى مەن الەۋمەتتىك ءامياندى ەنگىزۋ بويىنشا جۇمىستى جالعاستىرۋ كەرەك»، - دەدى ءاليحان سمايىلوۆ.
پرەمەر- مينيستر قانداستاردى قونىستاندىرۋ ساياساتىن تۇبەگەيلى رەفورمالاۋ جانە ىشكى ميگراتسيانى رەتتەۋ ءۇشىن بارلىق قاجەتتى شارالاردى قابىلداۋ كەرەكتىگىن باسا ايتتى.
«جيىنتىق زەينەتاقىنىڭ مولشەرىن ۇلعايتۋ، ايەلدەردىڭ زەينەت جاسىن 61 جاسقا دەيىن تومەندەتۋ جانە ءبىرىڭعاي جيناقتاۋشى زەينەتاقى قورىنىڭ ينۆەستيتسيالىق تارتىمدىلىعىن قامتاماسىز ەتۋ ءۇشىن زەينەتاقى زاڭناماسىنا ءتيىستى وزگەرىستەر ەنگىزىلسىن»، - دەدى ۇكىمەت باسشىسى.
اۆتور
مارلان جيەمباي