باق وكىلدەرى بۇل سۇراقتى ۇكىمەت وتىرىسىنان كەيىن ۆيتسە- پرەمەر رومان سكليارعا، اقپارات جانە قوعامدىق دامۋ ءمينيسترى دارحان ءقىدىرالى مەن ۇلتتىق ەكونوميكا ءمينيسترى الىبەك قۋانتىروۆقا قويدى.
«بىرىنشىدەن، بۇل يدەيا بۇرىننان بەرى قوعامدا تالقىلانىپ ءجۇر. ءسوز جوق، بۇل يدەيانىڭ نازار اۋدارۋعا تۇرارلىق ماڭىزى بار. ونى كەشە «جاڭا قازاقستان» دەپۋتاتتار توبى جاريا ەتتى. قاراۋعا ەنگىزىلدى. قوعام تالقىلاعاننان كەيىن ول ۇسىنىس پارلامەنت قابىرعاسىندا قاراتىن شىعار دەگەن ويدامىن. سوندىقتان، كۇتەيىك»، - دەدى ول.
ق ر اقپارات جانە قوعامدىق دامۋ ءمينيسترى دارحان قىدىرالى دە بۇل ۇسىنىستى ەستىگەنىن اتاپ ءوتتى.
«بۇل ماسەلە قوعامدا قىزۋ تالقىلانىپ جاتسا، قوعام تالابى بولسا، ءارى قاراي پارلامەنتتىڭ شارۋاسى. كەز كەلگەن نارسە زاڭ ۇستەمدىگى شەڭبەرىندە جۇزەگە اسۋى كەرەك دەپ ويلايمىن. ماسەلەنى دەپۋتاتتار كوتەرىپ وتىر عوي. سوندىقتان ساۋال دەپۋتاتتارعا قويىلۋى كەرەك دەپ ويلايمىن. قازىر ءبىزدىڭ قوعام دامۋ ۇستىندە. 2019 -جىلدان بەرى قانشاما جاڭالىق بولدى. سوندىقتان، بۇل دەپۋتاتتاردىڭ ازاماتتىق پوزيتسياسى»، - دەگەن پىكىر ايتتى.
ۇلتتىق ەكونوميكا ءمينيسترى الىبەك قۋانتىروۆ تا بۇل سۇراققا قىسقا جاۋاپ قايىردى.
«قايدا تۇراسىڭ دەپ سۇراسا، مەن نۇر- سۇلتاندا دا، استانادا دا، ەلوردادا دا تۇرام دەپ ايتامىن. ياعني ءارتۇرلى اتاي بەرەم»، - دەدى مينيستر.
اۆتور
ەسىمجان ناقتىباي