«ەكونوميست رەتىندە جولداۋدا ايتىلعان باستامالاردى قۇپتايمىن. ايتىلعان ويلاردان ۇكىمەت پرەزيدەنتتى ۇياتقا قالدىرىپ وتىر دەگەن ءتۇيىن اڭدادىم. شىن مانىندە، مەملەكەت باسشىسى بۇل جولعى جولداۋدا كوتەرگەن ماسەلەلەر جىلدار بويى ايتىلىپ ءجۇر. بۇرىنعى جولداۋلاردا دا، سايلاۋالدى باعدارلامالاردا دا ايتىلىپ كەلەدى. سونىڭ ىشىندە زەينەتاقى جۇيەسىنە قاتىستى ماسەلە دە بار. جاڭا ەكونوميكالىق ساياساتتىڭ مىندەتتەرى كەيىنگى ءۇش جىلدا بىرنەشە رەت بەرىلدى. مەن سونىڭ سوڭعى رەداكتسياسىن كوردىم. جاڭا ەشتەڭە جوق. سوعان قاراپ ۇكىمەتتىڭ قولىنان جاڭا ەكونوميكالىق ساياسات قالىپتاستىرۋ ءىسى كەلمەدى دەپ ايتۋعا بولادى»، - دەدى ساراپشى.
پارتيا وكىلى ۇكىمەتتىڭ جۇرگىزىپ وتىرعان ەكونوميكالىق ساياساتى مەن ۇلتتىق بانكتىڭ «نەوليبەرالدى» ۇستانىمى تۋرالى ويىن ايتتى.
«دامىعان ەلدەردىڭ بارىندە بازالىق مولشەرلەمە ينفلياتسيادان تومەن بولىپ كەلەدى. ال بىزدە بازالىق مولشەرلەمە مىندەتتى تۇردە وڭ سيپاتتى بولۋ كەرەك دەگەن ۇستانىم بار. ۇنەمى ينفلياتسيا مانىنەن جوعارى ۇستاپ وتىر. پارلامەنت قابىرعاسىندا وسىنىڭ ءبارى قىزۋ تالقىلانبايتىنى وكىنىشتى. مۇنىڭ ءبارى اقشانىڭ جەتىسپەۋىنە، نەسيەلەردىڭ ازايۋىنا اكەلىپ تىرەدى. جۇمىس ورىندارى ازايىپ بارادى. سەبەبى ۇزاق مەرزىمدى ليكۆيدتىلىك تاپشىلىعى بايقالىپ وتىر. تۋىنداعان داعدارىسقا ۇلتتىق بانكتىڭ مونەتارلىق ساياساتى سەبەپ بولىپ وتىر»، - دەدى ول.
ايتۋىنشا، ۇلتتىق بانكتىڭ ءبىرىنشى باسشىسىن اۋىستىرعاننان بۇل ماسەلە شەشىلە سالمايدى.
«ياعني، جىلدار بويى وسىنداي ۇستانىممەن جۇمىس ىستەپ ۇيرەنىپ قالعان دەپارتامەنت باسشىسى مەن ورىنباسارى دەڭگەيىندەگى شەنەۋنىكتەردىڭ ءبارىن الاستاۋ قاجەت»، - دەدى راحىم وشاقبايەۆ.
اۆتور
ەسىمجان ناقتىباي