ويتكەنى اۋرۋدى كورگەن يممۋن جۇيەسى ءوز- ءوزىن دايىنداپ، بەيسانالى تۇردە اۋرۋدىڭ الدىن الۋعا ازىرلەنەدى ەكەن. وسىلاي دەيدى ا ق ش-تىڭ چەپمەن ۋنيۆەرسيتەتىنىڭ ماماندارى.
امەريكا عالىمدارى ادامنىڭ يممۋنيتەتىنە باقىلاۋ جاساپ، اۋرۋدى كورگەندە نە سەزىنگەندە قالاي ارەكەت ەتەتىنىن، قورعانىش جۇيەسىنىڭ قالاي جۇمىس ىستەيتىنىن زەرتتەگەن. سوندا بايقاعالعانى - يممۋن جۇيەسى اۋىرعان ادامدى كورگەن كەزدە ءوز- ءوزىن سول اۋرۋدىڭ الدىن الۋعا دايىندالا باستايدى ەكەن. ينفەكتسيانى جۇقتىرماۋدىڭ، جۇقتىرسا قالاي قورعانۋ قاجەتىن قورعانىس جۇيەسى پىسىقتاپ، سوعان ەنەرگيا جۇمساپ بەلسەندى جۇمىسقا كوشەتىن كورىنەدى.
ماماندار ءبىراق ەپيدەميولوگيا كەزىندە يممۋندى جۇيە شىنىمەن دە سولاي جۇمىس ىستەي مە الدە جوق پا - ول جاعىن ءالى انىقتاي الماي وتىر. بۇل باعىتتاعى زەرتتەۋ ەندى عانا باستالعاندىقتان، جۇقپالى اۋرۋدىڭ الدىن الۋعا ول كومەكتەسە مە الدە جوق پا - ايتۋ قيىن.
ءبىراق عالىمداردىڭ كەلتىرگەن مىنا ءبىر ءۋاجى يممۋن جۇيەسىنىڭ جۇمىسى دا بولۋى مۇمكىن. ماسەلەن، ساۋ جانۋارلار اۋرۋ جانۋاردى كورسە، وعان جۋىمايتىن كورىنەدى. پارازيت پەن ۆيرۋستان بارىنشا قاشادى. ادام دا جۇقپالى اۋرۋدان قورقاتىنى بەلگىلى. پارازيتتەن قاشۋ - يممۋن جۇيەسىنىڭ جۇمىسى بولۋى مۇمكىن دەسەدى ماماندار.